گەولوگيا كوميتەتىنىڭ توراعاسى تاعايىندالدى

ەرلان ەسەنالى ۇلى اقباروۆ 1975 جىلعى 25 ساۋىردە وڭتۇستىك قازاقستان وبلىسىندا دۇنيەگە كەلگەن.

ۆ.ي. لەنين اتىنداعى قازاق پوليتەحنيكالىق ۋنيۆەرسيتەتىن, م.ح. دۋلاتي اتىنداعى تاراز مەملەكەتتىك ۋنيۆەرسيتەتىن, قاراعاندى تەحنيكالىق ۋنيۆەرسيتەتىن بىتىرگەن.

ەڭبەك جولىن 1998 جىلى جاڭاوزەن قالاسىنداعى «وزەنمۇنايگاز» اق-دا وپەراتور بولىپ باستادى.

2002-2005 جىلدارى «قازبۇرگاز» اق-دا ينجەنەر-گەولوگ بولىپ جۇمىس ىستەدى. 

ءار جىلدارى جەكە مەنشىك كومپانيالاردا قىزمەت ەتتى.

2018 جىلعى قاڭتاردان 2019 جىلعى ساۋىرگە دەيىن – «الماتى قالاسىنداعى قر ينۆەستيتسيالار جانە دامۋ مينيسترلىگى گەولوگيا جانە جەر قويناۋىن پايدالانۋ كوميتەتىنىڭ «وڭتۇستىكقازجەرقويناۋى» وڭتۇستىك قازاقستان وڭىرارالىق گەولوگيا جانە جەر قويناۋىن پايدالانۋ دەپارتامەنتى» رمم باسشىسىنىڭ ورىنباسارى.

2019 جىلعى ساۋىردەن باستاپ – «الماتى قالاسىنداعى قر يندۋستريا جانە ينفراقۇرىلىمدىق دامۋ مينيسترلىگى گەولوگيا جانە جەر قويناۋىن پايدالانۋ كوميتەتىنىڭ «وڭتۇستىكقازجەرقويناۋى» وڭتۇستىك قازاقستان وڭىرارالىق گەولوگيا جانە جەر قويناۋىن پايدالانۋ دەپارتامەنتى» رمم باسشىسى. 

2020 جىلعى ماۋسىمنان 2021 جىلعى ماۋسىمعا دەيىن – «قازگەولوگيا» ۇلتتىق گەولوگيالىق بارلاۋ كومپانياسى» اق باسقارما توراعاسىنىڭ ورىنباسارى. 

2021 جىلعى ماۋسىمنان قازىرگى ۋاقىتقا دەيىن جەكە مەنشىك سەكتوردا جۇمىس ىستەدى.