قىستىڭ قامى قازىردەن

وڭىردە قالىپتاسقان ءداستۇر ول جىلۋ بەرۋ ماۋسىمىندا اپاتتىق جاعدايلارعا جول بەرمەۋ, تۇرعىندارعا قاجەتتى جىلۋ مەن ىستىق سۋدان كىدىرىس بولدىرماۋ بولىپ تابىلادى. بۇل ارينە, وڭاي شارۋا ەمەس. سوندىقتان وبلىس باسشىلىعى بۇل ماسەلەنى ەڭ ءبىرىنشى كەزەكتە, قاتاڭ باقىلاۋدا ۇستايدى. جىلۋ بەرۋ ماۋسىمى اياقتالماي جاتىپ-اق الداعى قىسقا دايىندىق باستالىپ تا كەتتى. ونى وسى ماسەلە كۇن تارتىبىنە شىعارىلعان وبلىستىق جيىندا وبلىس اكىمىنىڭ ءبىرىنشى ورىنباسارى نۇرمۇحامبەت ابدىبەكوۆ جەتكىزدى. ونىڭ ايتۋىنشا, بۇل باعىت­تا اتقارىلعان جۇيەلى جۇمىس­تاردىڭ ناتيجەسىندە وبلىستا جى­لۋ بەرۋ ماۋسىمى ويدا­عى­داي اياقتالعان. تۇرعىن ءۇي-كوم­مۋنالدىق شارۋاشىلىق نىساندارىنداعى جۇمىستاردى ورىنداۋ ءۇشىن قارجىلاندىرۋدىڭ بارلىق كوزدەرى ەسەبىنەن 8,6 ملرد. تەڭگە ءبولىندى, ونىڭ ىشىندە 2,1 ملرد. تەڭگە وتىننىڭ ءنورماتيۆتى قورىن جاساقتاۋعا جۇمسالعان. 2013 جىلى جىلىتۋ ماۋسىمىنىڭ ويداعىداي ءوتۋى ءۇشىن 127 قازاندىق, 281,7 شاقىرىم جىلۋ جۇيەسى, 216 شاقىرىم سۋ جەلىسى-كارىز قۇبىرلارى جوندەۋدەن وتكىزىلدى. 1905,2 شاقىرىم ەلەكتر جەلىسىنىڭ, سونداي-اق, 9 دەنساۋلىق ساقتاۋ, 161 ءبىلىم بەرۋ نىساندارىنىڭ, 1014 تۇرعىن ءۇيدىڭ قالىپتى ءتىر­شىلىك قىزمەتى قامتاماسىز ەتىل­دى. بيۋدجەتتىك ۇيىمدارعا 51,4 مىڭ توننا قاتتى وتىن جانە 10,7 مىڭ توننا ديزەل وتىنى جەت­كىزىلدى. بىلتىر اقتوبە, العا قالالارىندا, شۇبارقۇدىق پوسەلكەسىندە جىلۋ جەلىلەرى قايتا قۇرىلىمدالدى. «ترانسەنەرگو» اق-تا جوندەۋ جۇمىستارىن ءجۇر­گىزۋگە بيۋدجەتتەن قارجى ءبولۋ شارالارى قابىلداندى, سونىڭ ناتيجەسىندە 12,6 شاقىرىم جىلۋ جەلىسى جاڭعىرتىلدى. قازىرگى ۋاقىتتا جەرگىلىكتى بيلىك ورگاندارى كەلەر قىستىڭ قامىن ويلاستىرۋدا. اتقا­رىلاتىن شارۋالار از ەمەس. ونىڭ ىشىندە كۇردەلى جۇمىستار دا جەتكىلىكتى. ۇستىمىزدەگى جىلى 153 بۋ قازانى, 237,8 شاقىرىم جىلۋ جەلىسى, 114,3 شاقىرىم سۋ-كارىز قۇبىرى, 557,5 شاقىرىم ەلەكتر جەلىسى , 194 ءبىلىم, 56 دەنساۋلىق ساقتاۋ جانە 64 باسقا دا الەۋمەتتىك نىسان, 51 كوپ قاباتتى تۇرعىن ءۇي جوندەلۋى ءتيىس. بۇل رەتتە «ەنەرگوسيستەما» جشس, «قازترانسگاز ايماق» اق وبلىستىق فيليالى, «اقتوبە جىلۋ-ەلەكتر ورتالىعى», «اقبۇلاق», «ترانسەنەرگو» اكتسيونەرلىك قوعام­دارىنىڭ الداعى قىسقى مەرزىمدە قالىپتى جۇمىس ىستەۋىنىڭ ناقتى شارالارى الىنۋدا. قاجەتتى قارجى ءبولىنىپ, جوندەۋ جۇمىستارى انە-مىنە باس­تالادى دەپ كۇتىلۋدە. ساتىبالدى ءساۋىرباي, «ەگەمەن قازاقستان». اقتوبە وبلىسى.