«موڭعوليانىڭ ۆيتسە-پرەمەر-ءمينيسترى ساينبۋيانگين امارسايحان, ەلىمىزدەگى موڭعوليانىڭ توتەنشە جانە وكىلەتتى ەلشىسى دورجين بايارحۋ جانە ت.ب. كەزدەسۋ وتكىزدىك. ءبىلىم, مادەنيەت, ساۋدا, ەكونوميكا, تۋريزم سالالارىنداعى ىنتىماقتاستىق ماسەلەلەرىن, سونداي-اق ينۆەستيتسيالىق كليماتتى جاقسارتۋ شارالارىن تالقىلادىق», دەپ جازدى التاي كولگىنوۆ ءوزىنىڭ Instagram پاراقشاسىندا.
اكىمنىڭ ايتۋىنشا, مەملەكەت باسشىسىنىڭ تاپسىرماسىنا سايكەس قالا مەن ەلىمىزدىڭ ەكونوميكاسىنا شەتەلدىك ينۆەستيتسيالاردى تارتۋعا جاعداي جاساپ, ينۆەستورلارعا جان-جاقتى سەرۆيستىك قولداۋ كورسەتىلىپ جاتىر.
«2020 جىلى ەلوردا ەكونوميكاسىنا 1,1 تريلليون تەڭگەدەن استام جەكە ينۆەستيتسيا تارتىلسا, 2021 جىلى 1,2 تريلليون تەڭگەدەن استام تارتىلدى. اعىمداعى جىلدىڭ 9 ايىندا شامامەن 900 ملرد تەڭگە تارتىلعان-دى. ءبىرىنشى كەزەكتە تۇرعىندار مەن قالاعا قاجەتتى جوبالاردى قولداۋدامىز», دەلىنگەن اكىم جازعان حابارلامادا.
