«قازىرگى الەم شىنىمەن كوپپوليارلى جانە ازيا بۇل الەمدە ماڭىزدى ءرول اتقارادى», دەدى ول ءوز سوزىندە.
ۆلاديمير ءپۋتيننىڭ ايتۋىنشا, ازيا وڭىرىندە جۇمىس ىستەيتىن شىۇ, وڭتۇستىك-شىعىس ازيا مەملەكەتتەرىنىڭ قاۋىمداستىعى, ەۋرازيالىق ەكونوميكالىق وداق سياقتى ينتەگراتسيالىق بىرلەستىكتەردىڭ ءىس-ارەكەتتەرىنە رەسەي دە بەلسەنە قاتىسادى.
وسى تۇستا ول رەسەي ازيانىڭ دامۋى مەن وركەندەۋىن جاقتاپ, ەكونوميكانىڭ ءارتۇرلى سالالارىنداعى كووپەراتسيالىق بايلانىستاردى كەڭەيتۋ جانە تەرەڭدەتۋ ماقساتىندا ءتيىمدى ساۋدا جانە ينۆەستيتسيالىق ىنتىماقتاستىقتىڭ كەڭ كەڭىستىگىن قۇرۋ يدەياسىن جاقتايتىنىن ايتتى.
جيىن بارىسىندا پۋتين الەمدىك قارجى جۇيەسىنىڭ جۇمىس پرينتسيپتەرىن قايتا قاراۋ قاجەت ەكەنىن جەتكىزدى.
ء«بىرىنشى كەزەكتەگى قادام رەتىندە ءبىز ءوزارا ەسەپتەۋلەردە ۇلتتىق ۆاليۋتالاردىڭ بەلسەندى قولدانىلۋىن بايقاپ وتىرمىز. مۇنداي شارالار ءبىزدىڭ مەملەكەتتەرىمىزدىڭ قارجىلىق ەگەمەندىگىن نىعايتۋعا ىقپال ەتەتىنى بەلگىلى», دەدى رەسەي پرەزيدەنتى.
ايتا كەتسەك, استانادا ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI ءسامميتى ءوتىپ جاتىر.
