قازاقستاندىق تاجىريبە ارمەنيانى دا قىزىقتىرادى

كەشە قازاقستان رەسپۋبليكاسى مەملەكەتتىك قىزمەت ىستەرى اگەنتتىگىنىڭ توراعاسى ءاليحان بايمەنوۆ ارمەنيا رەسپۋبليكاسى ازاماتتىق قىزمەت كەڭەسىنىڭ توراعاسى مانۆەل باداليانمەن كەزدەستى. كەزدەسۋدە تاراپتار قازاقستان مەن ارمەنيا اراسىنداعى ەكىجاقتى ىنتى­ماقتاستىق ماسەلەلەرىن تالقىلادى. قورى­تىندىسىندا قازاقستان رەسپۋب­ليكاسىنىڭ مەملەكەتتىك قىزمەت ىستەرى اگەنتتىگى مەن ارمەنيا رەسپۋبليكاسىنىڭ ازاماتتىق قىزمەت كەڭەسى اراسىنداعى مەملەكەتتىك قىزمەت سالاسىندا ءوزارا تۇسىنىستىك تۋرالى مەموراندۋمعا قول قويىلدى. بۇل قۇجات ەكى ەل ساراپشىلارىنىڭ كەزدەسۋلەر وتكىزىپ, پىكىرلەر الماسۋ­لارىنا, مەملەكەتتىك قىزمەت ماسەلەلەرى جونىندەگى ءىس-شارالارعا قاتىسۋلارىنا, سونداي-اق, قازاقستان مەن ارمەنيا مەملەكەتتىك قىزمەتشىلەرىنىڭ تاعىلىم­دا­مادان وتۋلەرىنە باعىتتالعان. مانۆەل باداليان جۋرناليستەرگە بەرگەن سۇحباتىندا قازاقستاننىڭ مەم­­لەكەتتىك قىزمەت سالاسىن رەفور­مالاۋ­داعى تاجىريبەسىنە, ونىڭ ىشىندە «ا» كورپۋسىنىڭ ەنگىزىلۋىنە ۇلكەن قىزىعۋشىلىق تانىتاتىنىن اتاپ ءوتتى. «قازاقستان رەسپۋبليكاسى مەن ارمەنيا رەسپۋبليكاسىنىڭ مەملەكەتتىك قىزمەت سالاسىنداعى ىنتىماقتاستىعىنىڭ پەرسپەكتيۆاسى ەرەكشە زور بولماق, – دەدى ول. – ءبىز قازاقستاننىڭ مەملەكەتتىك قىزمەت تۋرالى زاڭنامالارىمەن جان-جاقتى تانىستىق. قول قويىلعان مەموراندۋم ەكى ەلدىڭ وسى سالاداعى ىنتىماقتاستىعىن دامىتۋعا ىقپال ەتەدى دەگەن سەنىمدەمىن». ال ءاليحان بايمەنوۆ: «قازاقستان مەملەكەتتىك قىزمەتتى رەفورمالاۋدا تمد-دا كوشباسشى بولىپ تابىلادى. كەز كەلگەن مەملەكەتتىڭ وزگەدەن ۇيرەنەتىن جاقسى جاقتارى بولادى. ءبىز دە الەمدەگى مەملەكەتتەرمەن ءتيىمدى قاتىناستار جاساۋعا ءتيىسپىز. كەزدەسۋدە استاناداعى ايماقتىق حابتىڭ اياسىندا بىرلەسە ءىس-قيمىل جاساۋعا ۋاعدالاستىق. وسى جىلدىڭ سوڭىندا نەمەسە كەلەسى جىلدىڭ باسىندا حابتىڭ ءبىر شاراسى ەرەۆان قالاسىندا وتەتىن بولادى», – دەدى. ءاليسۇلتان قۇلانباي, «ەگەمەن قازاقستان».