«فۋتبولدان الەم چەمپيوناتى قاراشا ايىنىڭ سوڭىندا باستالادى. قازاقستاننىڭ فۋتبول جانكۇيەرلەرىن ءتۋرنيردى تاماشالاۋعا شاقىرامىن. سونداي-اق قر پرەزيدەنتىن الەم چەمپيوناتىن تاماشالاۋعا شاقىردىم. ول ۋاقىتتا قازاقستاندا پرەزيدەنت سايلاۋى وتەتىنىن بىلەمىن, دەگەنمەن, چەمپيوناتقا كەلەسىزدەر دەپ ۇمىتتەنەمىن», دەدى شەيح تاميم اقوردادا قازاقستان پرەزيدەنتىمەن كەزدەسۋدەن كەيىن وتكەن بريفينگتە.
فۋتبولدان الەم چەمپيوناتى 20 قاراشا مەن 18 جەلتوقسان ارالىعىندا كاتاردا وتەدى.
بۇعان دەيىن حابارلاعانىمىزداي, بۇگىن اقوردادا قازاقستان رەسپۋبليكاسىنىڭ پرەزيدەنتى قاسىم-جومارت توقاەۆ كاتار ءامىرى تاميم بەن حاماد ءال تانيمەن كەزدەستى. كەشە مەملەكەت باسشىسى قاسىم-جومارت توقاەۆ قازاقستانعا مەملەكەتتىك ساپارمەن كەلگەن شەيح تاميم بەن حاماد ءال-ءتانيدى كاتار ءامىرىنىڭ استانالىق اۋەجايىندا قارسى الدى. 13 قازاندا شەيح تاميم بەن حاماد ءال تاني ازياداعى ءوزارا ءىس-قيمىل جانە سەنىم شارالارى كەڭەسىنىڭ VI سامميتىنە قاتىسادى. كاتار ءامىرىنىڭ قازاقستانعا مەملەكەتتىك ساپارى اياسىندا 12 قۇجاتقا قول قويىلدى.
