مەملەكەت باسشىسى سينگاپۋردىڭ ازياداعى ءوزارا ءىس-قيمىل جانە سەنىم شارالارى جونىندەگى كەڭەستىڭ VI سامميتىنە قاتىسۋى اوسشك ۇدەرىسىنىڭ دامۋىنا ەلەۋلى ۇلەس قوساتىنىن اتاپ ءوتتى.
قاسىم-جومارت توقاەۆ قازاقستاننىڭ اسەان-داعى ماڭىزدى سەرىكتەسى – دوستاس سينگاپۋرمەن تىعىز ىنتىماقتاستىقتى جوعارى باعالايتىنىن جەتكىزدى.
كەزدەسۋ بارىسىندا ەكىجاقتى ساۋدا-ەكونوميكالىق جانە ينۆەستيتسيالىق بايلانىستاردىڭ ارتقانى اتاپ ءوتىلدى.
ءوز كەزەگىندە مۇحامەد ماليكي بين وسمان قاسىم-جومارت توقاەۆقا پرەمەر-مينيستر لي سيان لۋننىڭ ىزگى تىلەگىن جەتكىزدى. سينگاپۋر دەلەگاتسياسىنىڭ باسشىسى ءوز ەلىنىڭ قازاقستانمەن ءوزارا ءىس-ارەكەتتى ودان ءارى نىعايتۋعا نيەتتى ەكەنىن ايتتى.
كەزدەسۋ سوڭىندا سينگاپۋر ءمينيسترى مەملەكەت باسشىسىنا پرەزيدەنت حاليما ياكوبتىڭ سينگاپۋرعا مەملەكەتتىك ساپارمەن كەلۋگە شاقىرۋىن تاعى دا راستادى.
