بىرىكسەڭ, ءبىر تراكتور بەرەدى

ءبىر كەزدەرى بايزاق اۋدانىندا ءىرى-ءىرى 10 كەڭشار بولعان ەكەن. قازىر مايدا-مايدا 2770 شارۋا قو­جالىعى بار. ارينە, بۇلاردى بىرىك­تىرۋ, ىرىلەندىرۋ جۇمىسى ءوز رە­تىمەن ءجۇرىپ كەلەدى, بىراق ۇساق-ۇساق بولعان سوڭ ولاردىڭ شارۋا­سى دا, ماشاقاتى دا شاش ەتەك­تەن. نە نەسيە الا المايدى, نە مەم­لە­­كەت تاراپىنان بەرىلەتىن جەڭىل­دىك­­تەردى پايدالانا بىلمەيدى. بۇل ءبىر عانا بايزاقتىڭ ەمەس, بار­لىق اۋدان­نىڭ باسىندا بار جاع­داي. سون­­دىقتان مۇنداي ۇساق قوجا­لىق­­تاردى بىرىكتىرۋ باستى ماسەلە بولىپ تۇر. جامبىل وبلىسىندا 50 گەكتارعا دەيىن جەر تەلىمى بار شارۋاشىلىقتاردىڭ ۇلەسى 64,4 پا­يىزدى قۇرايدى. «بۇلاردىڭ الدىڭ­عى قاتارلى عىلىمي-تەح­ني­كا­لىق جەتىستىكتەردى, اتاپ ايت­­قاندا تامشىلاتىپ جانە جاڭ­بىر­لاتىپ سۋارۋ, باسقا دا ىل­عال رەسۋرس ساقتاۋ تەحنولوگيا­سىن, وندىرىسكە اگروتەحنولوگيا­نى, اۋىس­پالى ەگىس جۇيەسىن ەندىرۋ­گە, ءوسىم­دىكتى قورعاۋدى دۇرىس جول­عا قويۋعا ەشقانداي مۇمكىن­شى­­لىكتەرى جوق», دەيدى وبلىس­تىق اۋىلشارۋاشىلىعى باسقار­ما­سىنىڭ باسشىسى ابدالى نۇرا­ليەۆ. راسىندا ءسوز ەتىپ وتىر­عان سالا العا باسۋى ءۇشىن عىلىممەن تىعىز بايلانىستا بولۋى كەرەك. ەككەن ەگىن كوپ نەمەسە از ءونىم بەرسە دە, سونىڭ سىرىن زەرتتەپ, سوڭعى تەحنولوگيالاردى ەندىرىپ وتىرماسا, ەش نارسە دامىمايدى. تاعى دا مىقتى ماماندار قاجەت. ال, ۇساق, الەۋەتى از شارۋاشىلىقتار مۇنداي جاعدايعا قول جەتكىزۋدى ويلانبايدى دا, تىپتەن مۇمكىندىگى دە جوق. سوندىقتان اۋىل شارۋا­شىلىعى باسقارماسى وسى ىسكە بەلسەنە كىرىسىپ, بىرىگۋدىڭ ءۇش  جولىن ۇسىنىپ وتىر. ول بويىنشا ۇساق قوجالىقتار ىرگەسىندەگى ءىرى شارۋاشىلىقتارعا قوسىلۋ, وڭدەۋشى كاسىپورىندارعا بىرىگۋ جانە وڭكەي ۇساق قوجالىقتاردىڭ وزدەرى بىرىگىپ, ءىرى شارۋاشىلىققا اينالۋ. بۇل تۇستا ايتا كەتەتىن ءبىر ەرەكشەلىك, بىرىگۋدىڭ ارقاسىندا ۇلكەن ۇجىمعا اينالىپ, جۇمىسىن ءتاپ-ءتاۋىر باستاعان كەيبىر شارۋا­شىلىقتارعا «تاراز» اكك ارقىلى تەحنيكا اپەرۋ ءىسى پيلوتتىق جوبا رەتىندە قاراستىرىلىپ وتىر. ياعني, ءار اۋداننان كەم دەگەندە ءبىر شا­رۋا­شىلىققا وسىنداي دەمەۋ­­شى­لىك جاسالاتىن بولادى. ياعني, جۇ­مىسىن كوپ بولىپ باستاعان ۇجىم­­دارعا تراكتور, سوقا, باسقا دا اۋىل شارۋاشىلىعىنا قاجەتتى تەحنيكالاردى بەرۋ جوسپاردا بار. اتالمىش جوبا «2013-2020 جىل­­­­دار­عا ارنالعان جامبىل وبلى­سى­نىڭ اۋىل شارۋاشىلىعى قۇرى­لىم­دارىن ىرىلەندىرۋ» باعدار­لا­ماسى بويىنشا ازىرلەنىپ, حالىق قالاۋ­لىلارىنىڭ قولداۋىنا يە بولعان. بيىل جامبىل وبلىسىندا جوس­پار بويىنشا 1252 شارۋا­شى­لىقتى بىرىكتىرۋ كەرەك بولسا, بۇگىنگى كۇنگە دەيىن 146 شارۋا­شى­لىق ىرىلەندى. جاڭا جوبا شارۋالاردى بىرىگۋگە ىنتالاندىرادى دەگەن ءۇمىت بار. ورالحان ءداۋىت, «ەگەمەن قازاقستان». جامبىل وبلىسى.