«6 قازاندا جوعارعى سوت جانىنداعى سوت القاسى الماتى قالاسى مەدەۋ اۋداندىق سوتىنىڭ سۋدياسى س.س.جولمانوۆاعا قاتىستى تارتىپتىك ءىستى قارادى. وندا سۋديانىڭ سوت ىستەرى بويىنشا تاراپتاردىڭ وكىلدەرىمەن پروتسەسسۋالدىق ەمەس بايلانىسقا جول بەرۋىمەن بايلانىستى, سۋديالىق ەتيكاعا قايشى كەلەتىن, بەدەلىن تۇسىرەتىن تەرىس قىلىق جاساۋ فاكتىسى بويىنشا – سۋديا س.س.جولمانوۆاعا قىزمەتىنەن بوساتۋ تۇرىندەگى تارتىپتىك جازا قولدانىلادى. شەشىم زاڭدى كۇشىنە ەنگەن جوق, جولمانوۆا س.س. جوعارعى سوتقا شاعىمدانۋعا قۇقىعى بار», دەدى كەڭەستىڭ ءباسپاسوز قىزمەتى.
ەسكە سالايىق, 2021 جىلدىڭ 29 ساۋىرىندە سۆەتلانا جولمانوۆانىڭ كابينەتىنەن 10 مىڭ دوللار تابىلعان بولاتىن. ۇلتتىق قاۋىپسىزدىك كوميتەتى ارقىلى تەرگەۋ باستالىپ, سۋديا ول اقشانىڭ زاڭدى جانە ۇيگە جيناعان قاراجاتى ەكەنىن ايتقان. الايدا 2022 جىلدىڭ باسىندا جاڭا دەرەك, ەكى ايەلدىڭ اڭگىمەسى جازىلعان بەينەجازبا جاريالاندى, بولجام بويىنشا – بۇل جوعارعى سوتپەن ماسەلەنى اقشامەن شەشپەك بولعان كاسىپكەر ۆيكتور ماششەنكونىڭ ايەلى مەن جولمانوۆاعا ۇقساس ايەل.
جانسايا ءانۋار
