قايىربەك وسكەنباەۆ مەملەكەت باسشىسى قاسىم-جومارت توقاەۆتىڭ تاپسىرماسىنا سايكەس جانە ترانسكاسپي كولىك مارشرۋتىن دامىتۋ تۇرعىسىنداعى مىندەتتەرگە وراي يدم وڭىردەگى تەڭىز پورتتارىنىڭ ينفراقۇرىلىمىن كەڭەيتۋ باعىتىندا بىرقاتار ناقتى جۇمىستى جۇرگىزۋدە.
قازىرگى كۇندە اقتاۋ پورتى ايلاعىن كەڭەيتۋ جانە قۇرىق پورتىنداعى پاروم كەشەنى قۇرىلىسى جوبالارى ءساتتى جۇزەگە اسىرىلدى. بۇل ءوز كەزەگىندە كاسپي ماڭىنداعى ەلدەر مەن ترانسكاسپي حالىقارالىق كولىك باعدارى جانە «سولتۇستىك-وڭتۇستىك» مارشرۋتى بويىنشا جۇك تاسىمالى اعىنىن ارتتىرۋعا زور سەپتىگىن تيگىزدى. بۇگىندە قازاقستاندىق اقتاۋ جانە قۇرىق پورتتارىنىڭ جىلدىق جۇك تيەۋ كولەمى 21 ملن توننانى قۇرايدى.
اتالعان پورتتاردى ودان ارمەن دامىتۋ ماقساتىندا مينيسترلىك بىرقاتار ينفراقۇرىلىمدىق جوبانى جۇزەگە اسىرۋدى كوزدەپ وتىر. اتاپ ايتقاندا, 2025 جىلعا قاراي اقتاۋ تەڭىز پورتىندا كونتەينەرلىك حاب قۇرىلماق.
«ستراتەگيالىق ماڭىزى زور جوبا «قۋاتتى وڭىرلەر – ەل دامۋىنىڭ درايۆەرى» ۇلتتىق جوباسىنا ەنگىزىلگەن. جوبانىڭ تارتىمدىلىعىن ارتتىرۋ ءۇشىن ول «اقتاۋ تەڭىز پورتى» ارنايى ەكونوميكالىق ايماعىندا شەتەلدىك ينۆەستورلارمەن بىرلەسكەن كاسىپورىن فورماتىندا ىسكە اسىرىلماق. جوبانىڭ جالپى قۇنى – 13,7 ملرد تەڭگە. حابتى 2025 جىلعا قاراي ىسكە قوسۋ جوسپارلانعان. جوبا كونتەينەرلىك جۇك تاسىمالىنىڭ كولەمىن جىلىنا 40 مىڭ جيىرما فۋنتتىق بالامادان 215 مىڭعا دەيىن ارتتىرماق», دەدى قايىربەك وسكەنباەۆ.
سونداي-اق ۆەدومستۆو باسشىسى پورتتىق ينفراقۇرىلىمدى دامىتۋ اياسىندا 2025 جىلعا قاراي قۇرىق پورتى ماڭىندا «سارجا» كوپفۋنكتسيونالدى تەڭىز تەرمينالى قۇرىلىسى جوسپارلانىپ وتىرعانىن جەتكىزدى. اتالعان جوبا استىق ساقتايتىن جانە امبەباپ ماقساتتاعى, سونداي-اق كولەمدى جۇك تەرمينالدارى مەن كولىك-لوگيستيكالىق ورتالىعىنىڭ قۇرىلىسىن قامتيدى. تەڭىز تەرمينالى ەلىمىزدەگى پورتتاردىڭ جۇك تيەۋ مۇمكىندىگىن قوسىمشا 9,4 ملن تونناعا دەيىن ارتتىرماق.
«جوبالار جەكە ينۆەستيتسيالار ەسەبىنەن جۇزەگە اسىرىلادى. ەگەر دە سىزدەر تاراپتان جوباعا قىزىعۋشىلىق تۋىنداسا, ءبىز قانداي دا ءبىر ۇسىنىستارىڭىزدى قاراستىرۋعا نيەتتىمىز», دەپ اتاپ ءوتتى مينيستر.
سونىمەن قاتار ول بىرىككەن اراب امىرلىكتەرى قازاقستاننىڭ ساۋدا-ەكونوميكالىق سالاسىنداعى نەگىزگى ستراتەگيالىق ارىپتەسىنىڭ ءبىرى ەكەندىگىنە نازار اۋدارىپ, موحاممەد جۋما ال ءشاميسيدىڭ ەلىمىزگە ساپارى مەملەكەتتەر اراسىنداعى ىنتىماقتاستىقتى ودان ارمەن ارتتىرۋعا سەرپىن بەرەتىندىگىنە سەنىم ءبىلدىردى.
تاعى ءبىر ايتا كەتەرلىگى, ءىس-ساپار اياسىندا Abu Dhabi Ports Group باسقارۋشى ديرەكتورى اقتاۋ جانە قۇرىق پورتتارىنا ارنايى بارىپ, وندا اتقارىلىپ جاتقان جۇمىستارمەن تانىستى.
