قوعام • 07 قازان، 2022

قاراقات ابدەن پرەزيدەنت سايلاۋىنا كانديدات رەتىندە ۇسىنىلدى

324 رەت كورسەتىلدى

قازاقستان رەسپۋبليكاسى پرەزيدەنتتىگىنە «ۇلتتىق اليانس» قوعامدىق ۇيىمىنان قاراقات ابدەن كانديدات رەتىندە ۇسىنىلدى، دەپ حابارلايدى Egemen.kz.

بۇگىن ەلوردادا قازاق شۆەيتساريالىق امەريكا كوللەدجى بازاسىندا جۇمىس ىستەيتىن الەۋمەتتىك قىزمەتكەرلەر مەكتەبىندە «كاسىبي الەۋمەتتىك قىزمەتكەرلەردىڭ ۇلتتىق اليانسى» رەسپۋبليكالىق قوعامدىق بىرلەستىگىنىڭ جالپى جينالىسى ءوتتى.

شارا بارىسىندا «كاسىبي الەۋمەتتىك قىزمەتكەرلەردىڭ ۇلتتىق اليانسى» ۇەۇ-نىڭ ماقساتتارى مەن مىندەتتەرىنە قول جەتكىزۋ جانە ىلگەرىلەتۋ، سونداي-اق رەسپۋبليكالىق دەڭگەيدە ازاماتتاردىڭ وسال توپتارىنىڭ ماسەلەلەرىن ايتۋ جانە مۇددەلەرىن قورعاۋ ماقساتىندا قاراقات ابدەن قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىنا پرەزيدەنتتىككە كانديدات رەتىندە ۇسىنىلدى.

ابدەن قاراقات جاقسىلىققىزى – 4 بالانىڭ اناسى، بەلگىلى قوعام قايراتكەرى، قازاقستان رەسپۋبليكاسى پرەزيدەنتى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ مۇشەسى، استانا قالاسى اكىمىنىڭ الەۋمەتتىك ماسەلەلەر جونىندەگى شتاتتان تىس كەڭەسشىسى، ەلوردالىق قوعامدىق كەڭەستىڭ مۇشەسى. 1974 جىلى اقمولا وبلىسىندا تۋعان.

مەملەكەتتىك قىزمەتتە، ونىڭ ىشىندە سالىق كوميتەتىنىڭ ورتالىق اپپاراتىندا، قازاقستان رەسپۋبليكاسى پرەزيدەنتىنىڭ جانىنداعى مەملەكەتتىك باسقارۋ اكادەمياسىندا 10 جىلدان استام جۇمىس تاجىريبەسى بار. VI شاقىرىلىمداعى استانا قالاسى ءماسليحاتىنىڭ دەپۋتاتى بولدى.

سونداي-اق بالالار ءۇيىنىڭ قامقورشىلىق كەڭەسىنىڭ مۇشەسى، 15 تاربيەلەنۋشىسىنىڭ تالىمگەرى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار