ەلوردا • 07 قازان، 2022

استانادا سوڭعى جىلدارى 400-دەن استام كوشە جوندەلدى

39 رەت كورسەتىلدى

ەلوردا اكىمى التاي كولگىنوۆ كولىك جانە كوشە-جول جەلىسى سالاسىنداعى تسيفرلىق شەشىمدەر، كەشەندى كولىك سحەماسىنىڭ تۇجىرىمداماسى تۋرالى ايتىپ بەردى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ.

«استانادا زياتكەرلىك كولىك جۇيەسىن پايدالانۋ ەسەبىنەن كولىك جىلدامدىعى 18% - عا ۇلعايدى، جول ءجۇرۋدىڭ ورتاشا ۋاقىتى 20% - عا ازايدى. «اقىلدى» باعدارشامدار كەپتەلىس كەزىندە وڭتايلى جۇمىس رەجيمىن تاڭداۋعا مۇمكىندىك بەرەدى، وسىلايشا جولدارداعى قوزعالىستى جەڭىلدەتەدى. قالادا باعدارشام نىساندارىنىڭ 40% - دان استامى زياتكەرلىك فۋنكتسيالارمەن جابدىقتالعان. كەلەسى كەزەڭدە باعدارشام نىساندارىنىڭ شامامەن 80%-ىن يتج-مەن قامتۋدى جوسپارلاپ وتىرمىز»، دەدى التاي كولگىنوۆ.

سونداي-اق بۇعان دەيىن ەلوردادا كەشەندى كولىك سحەماسى (ككس) تۇجىرىمداماسى بەكىتىلگەن بولاتىن. بۇل حالىقتىڭ جىل سايىنعى ءوسۋىن جانە جولدارداعى ترافيكتىڭ ۇلعايۋىن ەسكەرە وتىرىپ، قالالىق كولىكتىڭ 10 جانە ودان دا كوپ جىلعا بىرىڭعاي تەحنيكالىق كوزقاراسىن ازىرلەۋگە مۇمكىندىك بەرەدى. ككس سونداي-اق، جاڭا اۆتوموبيل كوپىرلەرىنىڭ، كولىك ايرىقتارىنىڭ سانىن ۇلعايتۋدى، كوشەلەردى كەڭەيتۋدى، جولداردى تەسۋدى، قوعامدىق كولىكتى ايتارلىقتاي جاڭعىرتۋدى جانە ت. ب. كوزدەيدى.

وسى جىلدىڭ تامىز ايىندا ۇلى دالا داڭعىلىنداعى جاڭا كوپىر بويىنشا قوزعالىس اشىلدى، ەسىل وزەنى ارقىلى تاۋەلسىزدىك داڭعىلىندا تاعى ءبىر كوپىر سالۋ كەلەسى جىلى اياقتالادى دەپ جوسپارلانىپ وتىر. سونىمەن قاتار سوڭعى جىلدارى 400-دەن استام كوشە جوندەلدى، ولاردىڭ جارتىسى تۇرعىن الاپتارىندا.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار