مۇنداي باستامانى قازاقستان تجم باسشىسى يۋري يلين كوتەردى.
مينيستر ايماقتاعى ەلدەردە كەز كەلگەن توتەنشە جاعداي تۋرالى شۇعىل حابار تاراتاتىن جۇيەنى قۇرۋدى ۇسىنىپ, قاۋىپ-قاتەر تۋىنداعاندا ءوزارا حاباردار بولۋدىڭ ماڭىزدىلىعىن اتاپ ءوتتى.
قازاقستاندىق تجم ءباسپاسوز قىزمەتىندە ايتىلعانداي, بۇل باستاما سەيسميكالىق, سەل, كوشكىن باسقا دا تابيعي اپاتتار قاۋپى جوعارى جەرلەردە تج تۋرالى الدىن الا حابارلاۋعا مۇمكىندىك بەرىپ, شىعىندى ازايتۋعا كومەكتەسەدى.
كەڭەسكە قاتىسۋشىلار اتالعان ۇسىنىستى قولدادى. جۇيە تەك سەيسميكالىق داتچيكتەردى عانا ەمەس, سونىمەن قاتار ءوڭىر ەلدەرىندەگى جاعدايدىڭ مونيتورينگىن جۇرگىزەتىن قولدانىستاعى جۇيەلەرىنىڭ مەتەورولوگيالىق, گيدرولوگيالىق جانە باسقا داتچيكتەرىن بىرىكتىرۋدى كوزدەيدى.
جانسايا ءانۋار
