تاراپتار ەلىمىزدەگى ميسسيا جۇمىسىنىڭ قورىتىندىلارىن, سونداي-اق قر ۇكىمەتىنىڭ ينفلياتسياعا قارسى كۇرەس, سالىقتىق اكىمشىلەندىرۋ مەن بيۋدجەتتىك جوسپارلاۋدىڭ تيىمدىلىگىن ارتتىرۋ شارالارىن, جۇمىسپەن قامتۋدى قامتاماسىز ەتۋ, تسيفرلاندىرۋ جانە مەملەكەتتىڭ ەكونوميكاداعى ۇلەسىن تومەندەتۋ ماسەلەلەرىن تالقىلادى.
سونىمەن قاتار قازاقستاننىڭ 2060 جىلعا دەيىنگى كومىرتەگى بەيتاراپتىعىنا قول جەتكىزۋ جونىندەگى باستامالارى, ينۆەستيتسيالار تارتۋ جونىندەگى قادامدارى, اعىمداعى سىرتقى ەكونوميكالىق سىن-قاتەرلەر جانە وڭىرلىك كۇن تارتىبىندەگى باسقا دا وزەكتى ماسەلەلەر قارالدى.
ء«بىز حۆق-مەن سەرىكتەستىكتىڭ ستراتەگيالىق ماڭىزدىلىعىن جانە قوردىڭ ەلىمىزدىڭ دامۋىنا قوسىپ وتىرعان ۇلەسىن جوعارى باعالايمىز», دەدى ءاليحان سمايىلوۆ.
نيكوليا بلانشە قازاقستاندا جۇرگىزىلىپ جاتقان رەفورمالارعا جانە حۆق ەلدىك ميسسياسىنىڭ جۇمىسىنا جوعارى باعالادى.
ء«بىزدىڭ ارامىزدا بەرىك جانە سىندارلى ىنتىماقتاستىق قالىپتاستى. ءبىز ۇكىمەتتىڭ جاڭا رەفورمالاردى ىسكە اسىرۋ جونىندەگى قادامدارىن قۇپتايمىز جانە بارلىق مۇددەلى باعىتتار بويىنشا كونسۋلتاتسيالارىمىز بەن تەحنيكالىق كومەگىمىزدى ۇسىنۋعا دايىنبىز», دەدى نيكوليا بلانشە.
