قازاقستان • 05 قازان، 2022

قازاقستانعا قوسىمشا ەلەكتر ەنەرگياسى قاجەت – قاسىم-جومارت توقاەۆ

32 رەت كورسەتىلدى

مەملەكەت باسشىسى الەمدىك گەوساياسي وزگەرىستەرگە بايلانىستى ەۋروپالىق وداق كومىردى قولدانۋ كونتسەپتسياسىنا قايتا ورالا باستاعانى جايلى ايتتى، دەپ حابارلايدى Egemen.kz.

«ەلىمىزدىڭ ەنەرگەتيكالىق بالانسىندا كومىر ماڭىزدى ورىن الادى، ول 70 پايىزدان اسادى. ەۋروپالىق وداق حالىقارالىق ارەناداعى گەوساياسي وزگەرىستەرگە بايلانىستى كومىردى قولدانۋ كونتسەپتسياسىنا قايتا ورالا باستادى. قازىر ءبىز كومىردى پايدالانۋدان باس تارتپايمىز. بىراق ەلەكتر ستانتسياسى جۇمىسىنىڭ ناتيجەسىندە اتموسفەراعا بولىنەتىن كومىر ماسساسىنىڭ شىعارىندىلارىن ەڭ از مولشەرگە دەيىن ازايتۋعا مۇمكىندىك بەرەتىن وزىق تەحنولوگيالار بار»، دەدى پرەزيدەنت.

سونداي-اق وسى ۇزدىك تەحنولوگيالاردى ءبىزدىڭ وندىرىستە مىندەتتى تۇردە قولدانۋ كەرەگىن ەسكە سالدى.

«جالپى، قازاقستانعا قوسىمشا ەلەكتر ەنەرگياسى قاجەت ەكەنىن ايتقىم كەلەدى. بۇل – فاكت. وعان قوسا، شارىقتاۋ كەزىندە بىزدە ەنەرگەتيكا تاپشىلىعى سەزىلەدى. بۇعان جول بەرۋگە بولمايدى»، دەدى قاسىم-جومارت كەمەل ۇلى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار