ماسەلەن, 2022 جىلعى 8 ماۋسىمدا قابىلدانعان قر كونستيتۋتسياسىنا ەنگىزىلگەن تۇزەتۋلەردىڭ ءبىرى اكىمشىلىك قۇقىق بۇزۋشىلىق جاساعانى ءۇشىن كىنالى دەپ تانۋ تۋرالى سوت اكتىسى نەگىزىندە ءماجبۇرلى ەڭبەكتى قولدانۋعا جول بەرىلەتىنىن كوزدەيدى.
وسىعان بايلانىستى اكىمشىلىك قۇقىق بۇزۋشىلىق تۋرالى كودەكسكە اكىمشىلىك جازانىڭ وسى ءتۇرىن قوسۋ, ونى ورىنداۋ تەتىگىن, سونداي-اق ونى قولدانۋعا بولاتىن اقبتك-ءنىڭ ەرەكشە بولىگىنىڭ قۇرامىن ايقىنداۋ ۇسىنىلادى.
اكىمشىلىك قۇقىق بۇزۋشىلىق جاساعانى ءۇشىن ءماجبۇرلى ەڭبەكتى قولدانۋ كىنالى ادامعا تاربيەلىك اسەر ەتەدى دەپ كۇتىلۋدە. بۇدان باسقا, اكىمشىلىك جازانىڭ بۇل ءتۇرى كىنالى ادامدا قاراجاتى بولماعان جاعدايدا اكىمشىلىك ايىپپۇلعا بالاما بولا الادى.
«كوپتەگەن دامىعان ەلدەردە ءماجبۇرلى ەڭبەك كىشىگىرىم قۇقىق بۇزۋشىلىقتار ءۇشىن قولدانىلادى. ۇسىنىلعان جاڭاشىلدىق قۇقىق بۇزۋشىعا, اسىرەسە قوعامدىق ءتارتىپتى بۇزۋعا قول سۇعاتىن ادامدارعا جاقسى تاربيەلىك جانە پروفيلاكتيكالىق اسەر ەتەدى», دەلىنگەن نەگىزدەمەدە.
سونىمەن بىرگە ادىلەت مينيسترلىگى بۇل نورمانى ەنگىزۋ قىلمىستىق تەرىس قىلىقتارعا قاراعاندا ءىس جۇزىندە اكىمشىلىك قۇقىق بۇزۋشىلىقتار ءجيى جاسالاتىنىن ەسكەرە وتىرىپ, قوعامدا جاعىمسىز رەاكتسيا تۋدىرۋى مۇمكىن ەكەنىن جوققا شىعارمايدى.
قۇجات 22 قازانعا دەيىن «اشىق نقا» سايتىندا ورنالاستىرىلعان.
