ەلوردا • 03 قازان، 2022

ەلوردادا «ءان بازارى – قاراوتكەل» تاريحي-مۋزىكالىق كەشى ءوتتى

64 رەت كورسەتىلدى

استانا فيلارمونياسى قالا تۇرعىندارى مەن قوناقتارى ءۇشىن ء«ان بازارى – قاراوتكەل» تاريحي-مۋزىكالىق كەشىن ۇسىندى، دەپ حابارلايدى Egemen.kz ەلوردا اكىمدىگىنىڭ رەسمي سايتىنا سىلتەمە جاساپ.

«ە.راحماديەۆ اتىنداعى استانا قالاسىنىڭ مەملەكەتتىك اكادەميالىق فيلارمونياسى ءوزىنىڭ ماۋسىماشار كونتسەرتىن ء«ان بازارى – قاراوتكەل» دەپ اتادى. بۇگىن سوناۋ قاراوتكەل زامانىنداعى انشىلەردىڭ شىعارمالارى ورىندالدى. اتاپ ايتساق، ءيمانجۇسىپ، قوسىمجان، كەشەگى قاپاشتار، وسى كىسىلەردىڭ اندەرى بۇگىن ساحنادا شىرقالدى»، دەپ اتاپ ءوتتى فيلارمونيانىڭ «حالىق ءانى» ءبولىمىنىڭ كوركەمدىك جەتەكشىسى تەلمان نۇركەنوۆ. 

قاراوتكەل – اتى اڭىز مەكەن. بۇل ساۋدا ورتالىعى ەلوردا فيلارمونياسىنىڭ زاماناۋي عيماراتىنىڭ ورنىندا ورنالاسقان ەدى. اۋقىمدى جارمەڭكە ەلدىڭ تۇكپىر-تۇكپىرىنەن كەلگەن ساۋداگەرلەر الاڭى بولا تۇرىپ، ونەر ساحناسىنا دا اينالعان. مۇندا قالىڭ جۇرتشىلىق ءيمانجۇسىپ، عازيز، ساتماعامبەت، قاراقاس، قاپاش، يساباي، قوسىمجان سونىمەن قاتار، اقان سەرى، ءبىرجان سال، ۇكىلى ىبىراي، بالۋان شولاق سىندى ونەرپازدار ايگىلى تۋىندىلارىن ورىنداعان.

ننر

«1 قازان كۇنى كورەرمەندەرىمىز ءۇشىن بۇل جارمەڭكە قايتا جاڭعىردى، باعا جەتپەس ۇلتتىق مۇرانىڭ ءىنجۋ-مارجان شىعارمالارىن زامانداس ونەرپازدارىمىز تىڭدارماندارعا پاش ەتتى. كونتسەرتكە «سارىارقا» فولكلورلىق ءانسامبلى، «شالقىما» حالىق بي ءانسامبلى جانە فيلارمونيا سوليستەرى: قازاقستان رەسپۋبليكاسىنىڭ ەڭبەك سىڭىرگەن قايراتكەرلەرى گۇلميرا سارينا، ايگۇل قوسانوۆا، مادەنيەت قايراتكەرى سەكەن سىزدىقوۆ، مادەنيەت ۇزدىگى نۇراي تاناباەۆ، حالىقارالىق جانە رەسپۋبليكالىق بايقاۋلاردىڭ لاۋرەاتتارى ۇلاعات شالعىنبەك ۇلى، باۋىرجان نۇرمۇحانوۆ، قۋاتوۆا جانەل، جاقسىگەلدى ماياساروۆ، ارافات ىسقاقوۆ، تەلمان نۇركەنوۆ، وزگەرىس شەرىكباي، نۇرجان مەيىرحان، ەلبول قۋانبەك، اينۇر قونىسباەۆا ونەر كورسەتتى»، دەلىنگەن اكىمدىك حابارلاماسىندا.

اا

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار