تاعايىنداۋ • 03 قازان، 2022

«قازپوشتا» اق باسقارما ءتورايىمى تاعايىندالدى

89 رەت كورسەتىلدى

«سامۇرىق-قازىنا» اق باسقارماسىنىڭ شەشىمىمەن اسەل جاناسوۆا «قازپوشتا» اق باسقارماسىنىڭ ءتورايىمى بولىپ تاعايىندالدى، دەپ حابارلايدى Egemen.kz.

اسەل جانتاسوۆا 2020 جىلدىڭ شىلدەسىنەن باستاپ قازىرگى تاعايىندالۋىنا دەيىن قر ساۋدا جانە ينتەگراتسيا ۆيتسە-ءمينيسترى قىزمەتىن اتقاردى. وندا ساۋدانى تسيفرلاندىرۋ، تولەم جۇيەلەرىن دامىتۋ جانە تسيفرلىق بانكينگ سالاسىنداعى جوبالارعا جەتەكشىلىك ەتتى.

ايتا كەتسەك، اسەل جاناسوۆانىڭ ساۋدا جانە ينتەگراتسيا مينيسترلىگىندەگى جۇمىسىنىڭ نەگىزگى ناتيجەلەرىنىڭ ءبىرى Amazon جانە Ebay سياقتى امەريكاندىق كومپانيالارمەن، جاپپاي سۇرانىسقا يە تاۋارلاردى ينتەرنەت-ساتۋ سالاسىنداعى كوشباسشىلارمەن كەلىسىم جاساسۋ بولدى. ماسەلەن، 2021 جىلدان باستاپ قازاقستان سايتتا تىكەلەي تىركەلۋگە رۇقساتى بار ەلدەر تىزىمىنە ەندى. وسىنىڭ ارقاسىندا قازاقستاندىق كاسىپكەرلەر حالىقارالىق الاڭداردا ساۋدا جۇرگىزۋگە مۇمكىندىك الدى.

سونداي-اق اسەل جاناسوۆانىڭ جەرگىلىكتى جانە حالىقارالىق IT-جوبالاردى جۇزەگە اسىرۋدا 10 جىلدان استام تاجىريبەسى بار.

2010 جىلى پرەزيدەنتتىڭ «بولاشاق» حالىقارالىق ستيپەندياسى بويىنشا كەمبريدج ۋنيۆەرسيتەتىندە ينفورماتيكا سالاسىنداعى باكالاۆر دارەجەسىن العان. 2014 جىلى كەمبريدج ۋنيۆەرسيتەتىنىڭ ماگيستراتۋراسىن، م.لومونوسوۆ اتىنداعى ممۋ-ءدى «Executive Management» باعدارلاماسى بويىنشا بىتىرگەن.   

2010 جىلدان 2014 جىلعا دەيىن اسەل جانتاسوۆا لوندون قالاسىنداعى Eurasian Natural Resources Corporation PLC كومپانياسىنىڭ اقپاراتتىق تەحنولوگيالار قاۋىپسىزدىگى دەپارتامەنتىنىڭ ديرەكتورى قىزمەتىن اتقاردى. ول كوماندانى باسقاردى جانە ءارتۇرلى ەلدەردە (قازاقستان، افريكا، ەۋروپا، قىتاي جانە رەسەي) ءىرى ستراتەگيالىق جوبالاردى ەنگىزدى.

2014-2016 جىلدارى ۇلتتىق بانكتىڭ «بانكتىك سەرۆيس بيۋروسى» رمك ديرەكتورىنىڭ كەڭەسشىسى، ۇلتتىق بانكتتىڭ تسيفرلىق تەحنولوگيالار دەپارتامەنتىنىڭ ديرەكتورىنىڭ ورىنباسارى بولدى.  

2016-2017 جىلدارى «زەردە» ۇلتتىق باسقارۋشى حولدينگى» اق باسقارما ءتورايىمى قىزمەتىن اتقاردى.

2017-2018 جىلدارى «استانا» حالىقارالىق قارجى ورتالىعى (احقو) باسقارۋشىسىنىڭ كەڭەسشىسى بولىپ جۇمىس ىستەدى. قر ساۋدا جانە ينتەگراتسيا ۆيتسە-ءمينيسترى لاۋازىمىنا تاعايىنداۋ الدىندا 2018 جىلدان 2020 جىلعا دەيىن احقو تسيفرلىق تەحنولوگيالار جونىندەگى باسقارۋشى ديرەكتورى لاۋازىمىن اتقاردى.

2019 جىلى اسەل جاناسوۆا «Innovate Finance» جاھاندىق رەيتينگىنە سايكەس قارجى تەحنولوگيالارى سالاسىنداعى (Woman in Fintech Powerlist) ايەل-كوشباسشىلار تىزىمىنە ەندى. سونداي-اق «قازاقستاننىڭ 100 جاڭا ەسىمى 2019» جوباسىنىڭ جەڭىمپازى.

2022 جىلى عىلىمي-تەحنيكالىق زەرتتەۋلەردى قارجىلاندىرۋ جانە تالانتتاردى دامىتۋعا ينۆەستيتسيالاۋ ماقساتىندا امەريكاندىق ميللياردەر ەريك شميدت نەگىزىن قالاعان حالىقارالىق قايىرىمدىلىق ۇيىمى – «Schmidt Futures» قورىنىڭ باعدارلاماسىنىڭ ازيا ءوڭىرى بويىنشا الەمنىڭ 20 تالانتىنا كىردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار