ايماقتار • 03 قازان، 2022

ساۋداگەرلەردىڭ شىعىنىن كىم وتەيدى؟

392 رەت كورسەتىلدى

كونە شاھارداعى جاڭا بازاردا الا تاڭنان ءورت شىقتى. سالدارىنان وتىزعا جۋىق نىسان ءتىلسىز جاۋدىڭ قۇرساۋىندا قالىپ، ساۋ-تامتىعى قالماي جانىپ كەتتى. دەرەكتەرگە سەنسەك، ءورت 600 شارشى مەتر اۋماققا دەيىن جەتكەن. شىعىنعا باتىپ شىرىلداعان حالىق وبلىستىق اكىمدىكتىڭ الدىنا كەلىپ، ءوڭىر باسشىسىمەن كەزدەسپەك بولدى. جان باعىپ وتىرعان كاسىبىنەن قاس پەن كوزدىڭ اراسىندا ايىرىلىپ قالعان جۇرت شىعىندى كىم وتەيتىنىن بىلگىسى كەلەدى.

ءوڭىردى قانات بوزىمباەۆ باسقارعان جىلدارى ورتا­لىق­تاعى «كوك بازار» جويىلىپ، ورنىنا قالانىڭ شەتكى جاعىنان كوپ بازار پايدا بول­عان ەدى. كوپ بازاردىڭ ىشىن­دە ءدال وسى «اۋىل بە­رە­كەنىڭ» اسىعى الشىدان ءتۇس­تى دەسەك، قاتەلەسپەي­مىز. ساۋ­دا­گەرلەر دە، حالىق تا وسىن­­دا اعىلىپ جاتتى. جا­ڭا بازاردى جاعالاعان جۇرت تابا­نىنان تاۋسىلىپ ناپا­قاسىن تاۋىپ ءجۇردى. سول بازاردان قىركۇيەكتىڭ سوڭعى كۇنى تاڭعى 8-دەر شاماسىن­دا ءورت شىقتى. ءورتتى سون­دىرۋگە وڭىردەگى توتەنشە جاع­دايلار دەپارتامەنتىنىڭ 56 قىزمەتكەرى مەن 13 تەحنيكاسى جۇمىلدىرىلعان.

ىزاعا بۋلىققان ساۋداگەرلەر وبلىس اكىمدىگىنىڭ الدى­نا كەلىپ، ءوڭىر باسشىسى نۇر­جان نۇرجىگىتوۆپەن جۇزدەسۋ­دى تالاپ ەتتى. ءتۇس الە­تىندە كەل­گەن حالىقتىڭ بازىنا­سى كىم-كىمدى دە ويلاندىرماي قويمايدى. تابىسىنان قا­­عىلعان بۇقارانىڭ كوڭىلى الاڭ­داۋلى. جۇزدەرىنەن «ەندى قايتەمىز؟» دەگەن ساۋالدىڭ تابىن اڭعارۋ قيىنعا سوقپايدى.

«بازار ىشىندەگى اسحاناعا قاراما-قارسى تۇستا اجەتحا­نا ورنالاسقان. قاۋىپسىزدىك ەرە­جەلەرى، سانيتارلىق نور­ما نەگە ساقتالمايدى؟ ەگەر بارلىق تالاپ ورىندال­عاندا تاۋارىمىز ورتەنىپ كەتپەس ەدى. ءبىر ادامنىڭ كەسى­رىنەن قانشاما ساۋداگەر زار­داپ شەگىپ وتىر. ءبىزدىڭ جاناي­قايىمىزدى ەستيتىن ادام بار ما؟ بازار باسشىلىعى بىزگە جاۋاپ بەرسىن. جەرگىلىكتى اتقا­رۋشى بيلىك ماسەلەنى تيا­ناقتى قاراۋعا ىقپال ەتسىن. ويتكەنى ءبىزدىڭ كۇنكورىسى­مىز ساۋدامىزعا بايلانىس­تى»، دەيدى شىعىنعا باتقان ساۋدا­گەرلەردىڭ ءبىرى ءلاززات سەيسەنبەكوۆا.

ايقايعا باسقان ساۋداگەر­لەردىڭ جانايقايى تۇسىنىك­تى. كۇندەلىكتى تابىسىنان قا­عىلعان حالىق ءۇشىن ماسەلە ەدەل-جەدەل شەشىمىن تاپقا­نى، وتەماقىنىڭ دەر كەزىن­دە تولەنگەنى كەرەك. البەتتە، بۇل وقيعادا كىمنىڭ ايىپتى، كىمنىڭ جازاعا لايىقتى ەكە­نىن ارنايى قۇرىلعان جۇمىس توبى پەن قۇزىرلى ورگان­دار انىقتاي جاتار. ال حالىق ۋشىققان ماسەلەنىڭ وڭتايلى شەشىمى ۇزاققا سوزىلماعانىن قالايدى.

توپتانىپ جۇرگەن ساۋدا­گەرلەردىڭ ايتار ۋاجدەرى ەكى باستان بەلگىلى. ولار اۋەلدەن-اق ءورتتىڭ شىعۋىنا بازار باسشىلىعىن ايىپتاپ، دا­يەك­تەرىن دە العا تارتتى. ال «اۋىل بەرەكە» بازارىنىڭ باس­شىسى دانيار سەگىزباەۆ: ء«وز تاراپىمىزدان بارلىق ساق­تاندىرۋ شاراسىن قا­بىل­داعانبىز. دەر كەزىندە جا­رىقتى ءسوندىرىپ ءجۇرمىز»، دەيدى. ونىڭ ايتۋىنشا، ءورتتىڭ تۇتانۋىنا سەبەپشى بولعان اسحانا جۇمىسى تالاپقا ساي كورىنەدى.

وبلىس اكىمىنىڭ ءبىرىن­شى ورىن­باسارى نۇرجان كالەن­­دەروۆتىڭ ايتۋىنشا، ءورت­­تىڭ شىعۋىنا كىنالى تا­راپتى انىقتاۋ پروتسەسى ۇزاققا سوزىل­مايتىن كورىنەدى. الايدا وتكىر ماسەلە ناقتى قانشا كۇندە وڭىنان شەشىلەتىنىن ەشكىم تاپ باسىپ ايتا المادى.

«وزدەرىڭىز ايتقانداي، ەگەر ءورتتىڭ تۇتانۋىنا بازار باس­شىلىعى كىنالى بولسا، شىعىندارىڭىزدى وتەۋ بازار باسشىلىعىنىڭ موينىنا جۇكتەلەدى. بۇل باعىتتاعى جۇمىستى ارنايى قۇرىلعان جۇمىس توبى جۇزەگە اسىرادى. مەنىڭشە، ماسەلەنى زەردەلەۋ­گە اسا كوپ ۋاقىت كەتپەۋى كە­رەك»، دەدى جاعدايدى تۇسىندىر­گەن ن.كالەندەروۆ.

بازارداعى ءورتتىڭ شى­عۋ سەبەبىن انىق­تاۋ ماقسا­تىن­­دا قۇرىلعان ارنايى توپ­­قا جۇمىستى جەدەلدەتۋ تاپ­سىرىلعان. توپ قۇرا­مىنا زارداپ شەككەن ساۋداگەرلەر­دىڭ وكىلدەرى دە ەنبەك. جۇ­مىس توبى ءبىرىنشى كە­زەكتە شى­عىننىڭ جالپى سوماسىن انىق­تاۋدى قولعا الادى. البەتتە، بۇل ما­سەلە بويىنشا جۇمىستى جەدەل جۇر­گىزۋ تاپسىرىلعانىمەن وقيعا­نىڭ انىق-قانىعىن انىقتاۋ ءۇشىن ءبىرشاما ۋاقىت قاجەت. ال ورتتەن زارداپ شەككەن ساۋداگەرلەر شىعىندى ناقتى كورسەتۋ ءۇشىن ءتيىستى قۇ­جات­تارىن ۇسىنۋلارى كەرەك.

 

تاراز

سوڭعى جاڭالىقتار

ەلىمىزدە 175 ادام كوروناۆيرۋس جۇقتىردى

كوروناۆيرۋس • بۇگىن، 09:06

«ايبوز» دارابوزدارى انىقتالدى

ادەبيەت • بۇگىن، 08:55

پرەزيدەنت قۇتتىقتاۋى

پرەزيدەنت • بۇگىن، 08:50

ەلدىك نيەت

ايماقتار • بۇگىن، 08:48

كەزەكتە – جەر ۇيلەر

ايماقتار • بۇگىن، 08:46

زاڭ جوباسى قارالدى

ساياسات • بۇگىن، 08:42

ءتيىمدى ىنتىماقتاستىق

ساياسات • بۇگىن، 08:38

جەڭىستىڭ باستاۋى – حالىق

قوعام • بۇگىن، 08:27

اسىل تۇقىمنىڭ پايداسى

ايماقتار • بۇگىن، 08:24

بەرەكەلى اقباس سيىر

ەكونوميكا • بۇگىن، 08:20

اۆتوجولدىڭ سان الۋان ماسەلەسى

ەكونوميكا • بۇگىن، 08:18

ىشكى جالپى ءونىم 4 پايىزعا وسەدى

ەكونوميكا • بۇگىن، 08:14

ينفلياتسيانىڭ كەزەكتى تولقىنى

ەكونوميكا • بۇگىن، 08:10

اۋرۋدىڭ الدىن الايىق!

مەديتسينا • بۇگىن، 08:08

ءبىلىم كوكجيەگىن كەڭەيتكەن

عىلىم • بۇگىن، 08:06

ساپاسىز ويىنشىقتىڭ زالالى

ايماقتار • بۇگىن، 08:04

قاراۋسىز مال اپاتقا ۇرىندىرادى

ايماقتار • بۇگىن، 08:02

كولىك گازىنا ۋلانعان

ايماقتار • بۇگىن، 07:59

قۇمار ويىننىڭ قۇرباندارى

قوعام • بۇگىن، 07:56

سۇلۋلىق ساپارى

رۋحانيات • بۇگىن، 07:54

ۇقساس جاڭالىقتار