ەلوردا • 02 قازان، 2022

التاي كولگىنوۆ مۇعالىمدەردى مەرەكەمەن قۇتتىقتادى

50 رەت كورسەتىلدى

ەلوردا اكىمى التاي كولگىنوۆ ءوزىنىڭ Instagram پاراقشاسىندا مۇعالىمدەردى كاسىبي مەرەكەمەن قۇتتىقتادى، دەپ حابارلايدى Egemen.kz قالا اكىمدىگىنىڭ رەسمي سايتىنا سىلتەمە جاساپ. 

«پەداگوگتەردى كاسىبي مەرەكە – مۇعالىمدەر كۇنىمەن قۇتتىقتايمىن!

ۇستاز ەڭبەگىن تولىعىمەن باعالاۋ مۇمكىن ەمەس. پەداگوگتەر بالالارىمىزدى وقىتىپ قانا قويماي، ولاردىڭ قارىم-قابىلەتتەرى مەن قاسيەتتەرىن اشۋعا، ومىردە ءوز ورىندارىن تابۋعا كومەكتەسەدى.

مۇعالىمدەر – بولاشاقتىڭ جاسامپازدارى! كەز كەلگەن مۇعالىمنىڭ ارتىندا قالامىز بەن مەملەكەتىمىزدىڭ ءبىلىمدى ازاماتتارىنىڭ بىرنەشە بۋىنى تۇر.

مەملەكەت باسشىسى ساپالى ءبىلىم بەرۋ مەن پەداگوگتەرگە ەڭبەكتە جايلى جاعدايلاردىڭ جاسالۋىنا ەرەكشە كوڭىل بولەدى. «مۇعالىم مارتەبەسى تۋرالى» زاڭ قابىلداندى، جىل سايىن ۇستازداردىڭ جالاقىسى ءوسىپ جاتىر»، دەپ جازدى اكىم.

سونداي-اق مينيستر ءوز تاراپتارىنان مەكتەپ ينفراقۇرىلىمىن جاقسارتۋ مەن مۇعالىمدەرگە جاعداي جاساۋ بويىنشا جۇمىستىڭ جالعاسىپ جاتقانىن ايتتى.

«جىلدا ءبىلىم مەكەمەلەرىن سالىپ، جوعارى وقۋ ورىندارىندا تەگىن وقۋعا گرانتتاردى ءبولىپ جاتىرمىز. تۇرعىن ءۇي، باسقا دا ماسەلەلەرگە كوڭىل بولەمىز.

پەداگوگتەرىمىزدى شىن جۇرەكتەن كاسىبي مەرەكەمەن قۇتتىقتايمىن! سىزدەردىڭ ەرەن ەڭبەكتەرىڭىز ءۇشىن زور العىس ايتامىن!»، دەپ جازدى ا. كولگىنوۆ.

سوڭعى جاڭالىقتار

دوللار باعامى تومەندەدى

قارجى • بۇگىن، 16:10

ۇقساس جاڭالىقتار