ۇكىمەت • 01 قازان، 2022

رەسەيمەن شەكارادا قازاقستاندىقتاردىڭ كەدەرگىسىز ءوتۋى ءۇشىن جەكە جول جولاقتارى ءبولىندى

51 رەت كورسەتىلدى

بۇگىن قازاقستان پرەمەر-ءمينيسترى ءاليحان سمايىلوۆ كوشى-قوننىڭ وزەكتى ماسەلەلەرى بويىنشا كەڭەس وتكىزدى، دەپ حابارلايدى Egemen.kz قر ۇكىمەتىنىڭ ءباسپاسوز قىزمەتىنە سىلتەمە جاساپ.

ىشكى ىستەر ءمينيسترى مارات احمەتجانوۆ 21-28 قىركۇيەك ارالىعىندا رەسەي فەدەراتسياسىنان ەل اۋماعىنا كەلگەن ميگرانتتار قاتارىنىڭ ادەتتەگىدەن 2-3 ەسەگە كوبەيگەنىن ايتتى. تەك سوڭعى ەكى كۇندە بۇل ەلدەن كەلۋشىلەر سانى ەداۋىر تومەندەي باستاعان (29 قىركۇيەكتە 22،5 مىڭ ادام كەلسە، 10،1 مىڭ ادام شىعىپ كەتكەن; 30 قىركۇيەكتە – 14،9 مىڭ ادام/11،6مىڭ ادام). ەسەپتىك كەزەڭدە رەسەي فەدەراتسياسىنىڭ 382 ازاماتى تۇراقتى تۇرۋ ءۇشىن جانە 64 ازاماتى قر ازاماتتىعىن الۋعا قۇجات تاپسىرعان.

ءمينيستردىڭ ايتۋىنشا، بۇگىنگى كۇنى ەلىمىزدەگى كريمينوگەندىك جاعداي تۇراقتى. ميگرانتتار تاراپىنان قازاقستان ازاماتتارىنا قاتىستى جاسالعان قىلمىستار تىركەلمەگەن. سونىمەن قاتار ءىىم شەتەلدىك ازاماتتاردىڭ قوعامدىق قاۋىپسىزدىگىن جانە زاڭدىلىعىن قامتاماسىز ەتۋدى باقىلاۋدى كۇشەيتتى، اتاپ ايتقاندا، ادامدار كوپ شوعىرلاناتىن جەرلەردە پوليتسيا ناريادتارىنىڭ سانى ارتتى.  

قر ۇلتتىق قاۋىپسىزدىك كوميتەتى توراعاسىنىڭ ورىنباسارى – شەكارا قىزمەتىنىڭ ديرەكتورى ەرلان الداجۇمانوۆ ءتيىستى ينفراقۇرىلىمى بار وتكىزۋ پۋنكتتەرىندە قازاقستان ازاماتتارى، جۇك كولىگى جانە شەتەلدىكتەر ءۇشىن جەكە جول جولاقتارى بولىنگەنىن حابارلادى.  

«قازىرگى كەزدە قازاقستان ازاماتتارى ءۇشىن شەكارادان ءوتۋ بويىنشا پروبلەمالار جوق»، دەدى ول. 

ف

پرەمەر-مينيستر جەكەلەگەن وتكىزۋ پۋنكتتەرىندە ءالى دە بولسا ۇزىن-سونار كەزەك بارىن ايتتى. 

«رەسەيدىڭ شەكارا قىزمەتىمەن ءوزارا ءىس-قيمىلدى كۇشەيتۋ كەرەك، ەكى جاقتان دا ادامدار جينالىپ قالماۋى ءۇشىن بىرىڭعاي الگوريتم ازىرلەۋ قاجەت. سەبەبى، بۇل بيزنەس پەن حالىقتىڭ ورىندى نارازىلىعىن تۋدىرادى»، دەدى ءاليحان سمايىلوۆ.  

سونداي-اق ىشكى رەيستەر، اۆتوموبيل جانە تەمىرجول تاسىمالى سانىن ارتتىرۋ بويىنشا – يندۋستريا جانە ينفراقۇرىلىمدىق دامۋ ءمينيسترى قايىربەك وسكەنباەۆ، حقكو جۇمىسى بويىنشا – تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى باعدات مۋسين، تۇرعىن ءۇيدى جالعا الۋ كەزىندە ازاماتتاردىڭ قۇقىقتارى مەن كەپىلدىكتەرىن ءتۇسىندىرۋ بويىنشا – ادىلەت ءمينيسترى قانات مۋسين بايانداما جاسادى.  

باتىس قازاقستان وبلىسىنىڭ اكىمى عالي ەسقاليەۆ، سولتۇستىك قازاقستان وبلىسى اكىمىنىڭ ورىنباسارى ءساتجان ابلاليەۆ، قوستاناي وبلىسى اكىمنىڭ ورىنباسارى ەرلان سپانوۆ، اقتوبە وبلىسى اكىمىنىڭ ورىنباسارى ەرمەك كەنجەحان ۇلى وڭىرلەردەگى جاعداي تۋرالى ايتىپ بەردى.  

باياندامالاردى تىڭداعان پرەمەر-مينيستر جۇك جانە جەڭىل كولىكتەردىڭ ءوتۋىن جەدەلدەتۋ ءۇشىن جۇكتەمەسى كوپ شەكارالىق وتكىزۋ پۋنكتتەرىن كەڭەيتۋ جونىندە شارالار قابىلداۋ قاجەتتىگىن اتاپ ءوتتى.  

سونداي-اق ءاليحان سمايىلوۆ تۇرعىن ءۇيدى جالعا الۋ كەزىندە ازاماتتاردىڭ قۇقىقتارىن ءتۇسىندىرۋ جۇمىستارىن كۇشەيتۋدى تاپسىردى. 

«بۇل ميگرانتتاردىڭ اعىنىنا عانا قاتىستى ەمەس، جالپى ازاماتتارىمىز ءوز قۇقىقتارىن ءبىلۋى كەرەك. Egov نەمەسە كوپ قولدانىلاتىن قوسىمشالار ارقىلى تاراپتاردىڭ قۇقىقتارى مەن مىندەتتەرىن كورسەتەتىن تيپتىك جالعا الۋ شارتىنا تسيفرلىق تۇردە قول قويۋعا بولاتىنداي ەتىپ جاساۋ قاجەت. بۇل ەكى جاقتىڭ دا قۇقىقتارىن قورعاۋعا مۇمكىندىك بەرەدى»، دەدى ءاليحان سمايىلوۆ.  

كەڭەستى قورىتىندىلاي كەلە، پرەمەر-مينيستر مەملەكەتتىك ورگاندار مەن اكىمدىكتەرگە كوشى-قون جاعدايىن رەتتەۋ بويىنشا كەشەندى جانە ءتيىمدى شارالار قابىلداۋ قاجەتتىگىن اتاپ ءوتتى. 

ء«بىرىنشى كەزەكتە قازاقستاندىق ازاماتتار ءۇشىن تۇراقتى «جاسىل ءدالىزدى»، سونداي-اق تىركەلمەگەن ميگرانتتاردى انىقتاۋ ءۇشىن ءموبيلدى مونيتورينگتىك توپتاردىڭ جۇمىسىن قامتاماسىز ەتۋ قاجەت»، دەدى ءاليحان سمايىلوۆ.  

سونىمەن قاتار پرەمەر-مينيستر قازاقستان ازاماتتارىنىڭ اراسىندا دا، ميگرانتتار اراسىندا دا كوشى-قون ماسەلەلەرىن رەتتەۋ بويىنشا قابىلدانىپ جاتقان شارالار تۋرالى اقپاراتتىق-ءتۇسىندىرۋ جۇمىستارىن كۇشەيتۋدى تاپسىردى.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار