كوشى-قون قىزمەتىنىڭ قىزمەتكەرلەرى تالاپكەر اۋىلىندا جۇرگىزگەن رەيد بارىسىندا اۋدانعا جۇمىس ىستەۋگە كەلگەن وزبەكستان تۇرعىندارىن انىقتادى. ولار بيداي جيناۋمەن اينالىسقان جانە ەڭبەك قىزمەتىنە قۇجاتتارى بولماعان.
جۇمىسشىلار ءتارتىپ ساقشىلارىنان جاسىرىنباق بولعان. كوشى-قون قىزمەتىنىڭ قىزمەتكەرلەرى ۋچاسكەلىك پوليتسيا ينسپەكتورىمەن بىرلەسىپ, ەر ادامدى ۇستادى.
قوستاناي اۋداندىق سوتىنىڭ ۇكىمىمەن وزبەكستان ازاماتتارى قر اقبتك-ءنىڭ 517-بابى, 5-بولىگى بويىنشا ءۇش تاۋلىككە قاماۋعا الۋ تۇرىندەگى اكىمشىلىك جاۋاپكەرشىلىككە تارتىلدى.
پوليتسيانىڭ حابارلاۋىنشا, ولار 10 كۇن ىشىندە ەلدەن كەتۋگە مىندەتتى. سونىمەن قاتار جۇمىس بەرۋشى قازاقستان رەسپۋبليكاسىنىڭ زاڭناماسىن بۇزا وتىرىپ, شەتەلدىك جۇمىس كۇشىن پايدالانعانى ءۇشىن جاۋاپكەرشىلىككە تارتىلدى.
