قوي ەشكى ەمەس, ال ەشكىنىڭ انالىعى ەكەۋدەن, ۇشەۋدەن تابا بەرەدى. بىراق, ءتورت لاقتى ەشكى دە وتە سيرەك تۋادى. الايدا, جاراتىلىس بەرەيىن دەسە شەكتەن تىس مىرزالىق تانىتاتىنى بۇل جولى تاعى دا تولىعىمەن دالەلدەندى. شالعايداعى جاڭاقالا اۋدانىنىڭ تۇرعىندارى ەرلى-زايىپتى بەكتەمىر مەن سۆەتا بەكقاليەۆتەردىڭ جەكە يەلىگىندەگى ساۋلىقتىڭ ءبىرى بىردەن ءتورت قوزى تاپتى.
اسىل تۇقىمدى ەدىلباي قويى نەگىزىنەن ءبىر قوزى تۋاتىنى سەلەكتسيالىق تاجىريبەدەن جاقسى بەلگىلى. وسىعان قاراماستان, بيىل ءتورت قوزى تۋعان ساۋلىق سوڭعى ەكى جىل قاتارىنان ۇشەۋدەن تولدەپتى. الايدا, قاقاعان قىستا تولدەگەندىكتەن, نازىك, قىزىلشاقا قوزىلار ءولىپ قالا بەرەدى ەكەن. ال بيىلعى ءتورت قوزى ويناقتاپ, قوڭ جيناپ كەلەدى.
تاڭسىقتى كورمەك ءۇشىن ىزدەپ ەلگە بارعاندا, قوي ورىستەن كەلىپ جاتىر ەكەن. ساۋلىقتى بولەكتەگەن ءۇي يەسى انالىقتىڭ جانىنا ءتورت قوزىسىن قاتار جىبەردى. «قوي سۇيەدى بالاسىن قوڭىرىم دەپ...» اۋىز ادەبيەتىندە ايتىلعانداي, انالىق قوي ءتورت تولىنە قاتار ەمىرەنەدى. قوزىلار بولسا, تالاسا-تارماسا اناسىنىڭ ەمشەگىن سورعىلاۋعا كىرىستى.
– مۇنداي جاعدايدا ساۋلىق ءسۇتى بىرىنە كوپ, بىرىنە ارتىق كەتۋى مۇمكىن. سوندىقتان قوزىلاردى ەكەۋدەن شىعارىپ, كەزەكپەن ەمىزۋدى قاجەت دەپ تاۋىپ وتىرمىز. ءارى قوسىمشا ءسۇت بەرەمىز, – دەيدى ءۇي يەلەرى.
باتىس قازاقستان وبلىسى,
جاڭاقالا اۋدانى.
سۋرەتتە: ەدىلباي قويى ءتورت قوزىسىمەن.
اسىل تۇقىمدى ەدىلباي قويى نەگىزىنەن ءبىر قوزى تۋاتىنى سەلەكتسيالىق تاجىريبەدەن جاقسى بەلگىلى. وسىعان قاراماستان, بيىل ءتورت قوزى تۋعان ساۋلىق سوڭعى ەكى جىل قاتارىنان ۇشەۋدەن تولدەپتى. الايدا, قاقاعان قىستا تولدەگەندىكتەن, نازىك, قىزىلشاقا قوزىلار ءولىپ قالا بەرەدى ەكەن. ال بيىلعى ءتورت قوزى ويناقتاپ, قوڭ جيناپ كەلەدى.
تاڭسىقتى كورمەك ءۇشىن ىزدەپ ەلگە بارعاندا, قوي ورىستەن كەلىپ جاتىر ەكەن. ساۋلىقتى بولەكتەگەن ءۇي يەسى انالىقتىڭ جانىنا ءتورت قوزىسىن قاتار جىبەردى. «قوي سۇيەدى بالاسىن قوڭىرىم دەپ...» اۋىز ادەبيەتىندە ايتىلعانداي, انالىق قوي ءتورت تولىنە قاتار ەمىرەنەدى. قوزىلار بولسا, تالاسا-تارماسا اناسىنىڭ ەمشەگىن سورعىلاۋعا كىرىستى.
– مۇنداي جاعدايدا ساۋلىق ءسۇتى بىرىنە كوپ, بىرىنە ارتىق كەتۋى مۇمكىن. سوندىقتان قوزىلاردى ەكەۋدەن شىعارىپ, كەزەكپەن ەمىزۋدى قاجەت دەپ تاۋىپ وتىرمىز. ءارى قوسىمشا ءسۇت بەرەمىز, – دەيدى ءۇي يەلەرى.
باتىس قازاقستان وبلىسى,
جاڭاقالا اۋدانى.
سۋرەتتە: ەدىلباي قويى ءتورت قوزىسىمەن.
