قوعام • 28 قىركۇيەك، 2022

قۇقىقتىق مادەنيەتتى كوتەرۋ – ۋاقىت تالابى

92 رەت كورسەتىلدى

ازاماتتاردىڭ قۇقىقتىق ساناسى مەن قۇقىقتىق مادەنيەتىن ارتتىرۋ، زاڭعا قۇرمەت سەزىمىن وياتۋ – بارلىق مەملەكەتتىك ورگاننىڭ ستراتەگيالىق باعىتتارىنىڭ ءبىرى. ال زاڭدى جەتىك بىلەدى دەگەن قىزمەتكەرلەردىڭ قاتەلىككە جول بەرگەن كەمشىلىكتەرى كەشىرۋگە جاتپايتىن ارەكەت ەكەنى انىق.

تۇركىستان وبلىسى بويىنشا بۇگىندە 193 نوتاريۋس، 172 ادۆوكات، 200 زاڭ كەڭەس­شى­سى قىزمەت اتقارادى. وبلىستىڭ ادىلەت دەپارتامەنتى نوتارياتتىق ءىس-ارەكەت­تەردىڭ زاڭدىلىعىنا جانە نوتا­رياتتىق ءىس جۇرگىزۋ ەرەجەلەرىنىڭ ساق­تالۋىنا 8 تەكسەرۋ جۇرگىزىپ، ناتي­جەسىندە 3 نوتاريۋستىڭ ليتسەنزياسىن توقتاتقان. ەكى نوتاريۋس تارتىپتىك جاۋاپكەرشىلىككە، 5 نوتاريۋس اكىمشىلىك جاۋاپكەرشىلىككە تارتىلعان. سونىمەن قاتار 2 ادۆوكاتتىڭ ليتسەنزياسى توقتاتىلعان. «ادىلەت دەپارتامەنتى كوممەرتسيالىق ەمەس زاڭدى تۇلعالاردى، ازاماتتىق حال اكتىلەرىن، جىلجىمايتىن م ۇلىككە قۇقىقتاردى تىركەۋدى با­­ق­ىلاۋدا، زياتكەرلىك مەنشىك قۇقى­عىن قورعاۋ سالاسى بويىنشا جانە قۇ­قىق­تىق كومەك كورسەتۋ جانە ءتۇسىن­دى­رۋدى قامتاماسىز ەتۋدە، سونداي-اق سوت اكتىلەرىن ورىنداۋ قىزمەتىندە كوپتەگەن جەتىستىككە قول جەتكىزدى.

«وتكەن جىلدارى جۇمىستى جاڭا بولمىسقا يكەمدەپ، جۇزەگە اسىردىق. بۇدان بولەك دەپارتامەنتكە جۇكتەلگەن مىندەتتەردى ناتيجەلى اتقارۋ ءوز جەمىسىن بەردى. قازىر­گى تاڭدا مەملەكەتتىك قىزمەتتەردىڭ باسىم كوپشىلىگى ونلاين كورسەتىلۋدە، سونداي-اق جەرگىلىكتى ۆولونتەرلەر مەن ادىلەت سالاسىنىڭ قىزمەتكەرلەرى بىر­لەسىپ حالىققا بايلانىس قۇرالدارى مەن الەۋمەتتىك جەلىلەر ارقىلى كەڭەس بەرۋدى ىسكە قوسىپ، حا­لىق­تىڭ قۇقىقتىق مادەنيەتىن ارتتىرۋدا ايانباي ەڭبەك ەتۋدە»، دەيدى دەپارتامەنت باسشىسى مۇحيت تۇرعاراەۆ.

وڭىردە «ە-زاڭ كومەگى» اقپاراتتىق جۇيەسى بويىنشا 172 ادۆوكات قىزمەت اتقارادى. ال مەملەكەتتىك كەپىلدىك بەرگەن زاڭ كومەگىن كورسەتۋگە كەلىسىلگەن ادۆوكاتتاردىڭ سانى – 122. جالپى 6 076 ازاماتقا تەگىن زاڭ كومەگى كورسەتىلىپتى. ونىڭ ىشىندە قىلمىستىق ىستەر بو­يىنشا – 1 611، ازاماتتىق ءىس – 20، اكىمشىلىك ءىس – 160، قۇقىقتىق كەڭەس بەرىلگەن ازاماتتار سانى – 4 285. دەپار­تامەنت باسشىسىنىڭ ايتۋىنشا، وبلىس كولەمىندە 1 311 زاڭدى تۇلعا مەملەكەتتىك تىركەۋدەن وتكەن. قىزمەتتىڭ 11 ءتۇرى بويىنشا 2 044 مەملەكەتتىك قىزمەت كورسەتىلگەن. مەملەكەتتىك كورسەتىلەتىن قىزمەتتەر بويىنشا بىلىكتىلىكتى ارتتىرۋ كۋرستارىنان 5 قىزمەتكەر ءوتتى. دە­پار­تامەنتتىڭ احات جانە اپوستيلدەۋ جۇمىستارىن قامتاماسىز ەتۋ، باقىلاۋ ءبولىمىنىڭ مۇراعاتىنا 2 015 اكت جازۋلارىنا وزگەرىستەر، تولىقتىرۋلار، تۇزەتۋلەر ەنگىزۋ تۋرالى حابارلامالار كەلىپ ءتۇسىپ، ورىندالدى. جىلجىمايتىن م ۇلىككە قۇقىقتاردى تىركەۋ باعىتى بويىنشا «ازاماتتارعا ارنالعان ۇكىمەت» مەملەكەتتىك كورپو­را­تسياسى» كوممەرتسيالىق ەمەس اك­تسيونەرلىك قوعامىنىڭ وبلىس بو­يىنشا فيليالى 106 917 مەملەكەتتىك قىزمەت كورسەتكەن. زياتكەرلىك مەنشىك قۇقىعى سالاسى بويىنشا دەپارتامەنتكە زاڭ تالاپتارىن بۇزۋ فاكتىلەرىنە قاتىستى 6 ارىز ءتۇسىپ، ونىڭ ىشىندە 4 ارىزعا پرەزيدەنتتىڭ «تەكسەرۋلەرگە جانە پروفيلاكتيكالىق باقىلاۋ مەن قاداعالاۋدى بارىپ جۇرگىزۋگە موراتوري ەنگىزۋ تۋرالى» جارلىعىنا ساي­كەس تەكسەرۋ جۇرگىزىلمەيتىندىگى تۋرالى جاۋاپ بەرىلگەن. ال 2 ارىز اۆ­تور­لىق قۇقىقتىڭ بۇزىلۋىنا بايلانىستى قۇزىرەتتىلىگىنە قاراي ادىلەت مي­نيسترلىگىنە جولدانىپتى. «بيىلعى 8 ايدا مەملەكەتتىك سوت ورىنداۋشىلار سانى – 15، جەكە سوت ورىنداۋشىلارى سانى – 150. جالپى اياقتالعان اتقارۋ قۇجاتتارى – 161 445. اياقتالعان اتقارۋشىلىق وندىرىستەردىڭ ۇلەسى 8 ايدىڭ قورىتىندىسى بويىنشا 32 پايىز بولعان. اليمەنت ءوندىرۋ ساناتى بويىنشا 22 672 ورىنداۋدا بولعان. ونىڭ 2 982-ءى اياقتالعان، 19 690-ى ورىندالۋ بارىسىندا. سوت اكتىسى تالاپتارىن ورىنداۋدان جالتارىپ جۇرگەن 214 بورىشكەر اكىمشىلىك جاۋاپكەرشىلىككە تارتىلدى. وبلىستىق سوت اكتىلەرىن ورىنداۋ جونىندەگى اۋماقتىق بولىمىمەن م ۇلىك تاركىلەۋ بويىنشا 156 اتقارۋ ءوندىرىسى ورىنداۋعا تۇسكەن، ونىڭ ىشىندە 129 اتقارۋ ءوندىرىسى ورىندالىپ، اتقارۋ قۇجاتتارىنىڭ ورىندالۋى – 83 پايىز بولدى. جالپى، تۇركىستان وبلىسىنىڭ ادىلەت دەپارتامەنتى بيىلعى 8 ايدا ادىلەت مينيسترلىگىنىڭ 2020-2024 جىلدارعا ارنالعان دامۋ جوسپارىنىڭ ورىندالۋى بويىنشا نىسانالى ين­ديكا­تورلارداعى مەجەلى كورسەتكىشكە قول جەتكىزۋدى، ادۆوكاتتاردىڭ زاڭگەرلىك كومەك كورسەتۋىن ودان ءارى جانداندىرۋدى، پروبلەمالىق اليمەنت ساناتىنداعى اتقارۋ وندىرىستەرى بويىنشا وبلىستىڭ جەكە سوت ورىنداۋشىلار وڭىرلىك پالاتاسىمەن جانە اۋدانداعى جەكە سوت ورىنداۋشىلارمەن جۇمىستاردى، ادىلەت ورگاندارى قىزمەتىنە قاتىستى حا­لىق اراسىندا قۇقىقتىق ناسيحات جۇمىستارىن جانداندىرۋدى باسىم مىندەتتەر قاتارىنا قويىپ وتىر»، دەيدى دەپارتامەنت باسشىسى. ياعني دەپارتامەنت قىزمەتكەرلەرى حالىقتىڭ قۇقىقتىق مادەنيەتىن قالىپتاستىرۋ مەن دامىتۋعا دا باسىمدىق بەرىپ كەلەدى.

 

تۇركىستان وبلىسى

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

جاس ساياساتكەر مەكتەبى

قوعام • بۇگىن، 07:33

ماماندىق تاڭداۋدىڭ ماڭىزى

قوعام • بۇگىن، 07:31

شابانباي بيگە قۇرمەت

ايماقتار • بۇگىن، 07:30

ۇقساس جاڭالىقتار