ساياسات • 27 قىركۇيەك، 2022

«AMANAT» پارتياسىندا اگرارلىق سەكتوردى سۋبسيديالاۋ ماسەلەسى تالقىلاندى

70 رەت كورسەتىلدى

دەپۋتات قاينار اباسوۆتىڭ توراعالىعىمەن «AMANAT» پارتياسى جانىنداعى اگروونەركاسىپتىك كوميتەتتىڭ وتىرىسى  ءوتتى. وندم اگرارلىق سەكتوردى سۋبسيديالاۋ، اۋىل تۇرعىندارىنىڭ تابىسىن ارتتىرۋ جانە ينۆەستيتسيالىق جوبالاردى ىسكە اسىرۋ ماسەلەلەرى تالقىلاندى، دەپ حابارلايدى Egemen.kz.

مەملەكەت باسشىسى قاسىم-جومارت توقاەۆ «ادىلەتتى مەملەكەت. ءبىرتۇتاس ۇلت. بەرەكەلى قوعام» اتتى قازاقستان حالقىنا جولداۋىندا اگروونەركاسىپتىك كەشەندى دامىتۋ ماسەلەسىنە قاتىستى بىرقاتار مىندەت قويعان ەدى.

اۋىل شارۋاشىلىعى ءمينيسترى ەربول قاراشوكەەۆتىڭ ايتۋىنشا، وسى سالاداعى سۋبسيديالاردىڭ تيىمدىلىگى مەن ناتيجەلىلىگىن ارتتىرۋ ءۇشىن ونى الۋشىلارعا بىرقاتار مىندەتتەمەلەر ەنگىزۋ جوسپارلانىپ وتىر.

«بۇل ءوز ءوندىرىسىنىڭ ءونىمىن جىل سايىن كەمىندە 3%-عا ۇلعايتۋدى قامتاماسىز ەتۋ (فورس-ماجور جاعدايلاردى قوسپاعاندا)، ەڭبەك ونىمدىلىگىن جىل سايىن ارتتىرۋ جانە نەگىزگى كاپيتالعا ينۆەستيتسيا قۇيۋدى قامتاماسىز ەتۋ»، دەدى مينيستر.

ەربول قاراشوكەەۆ اۋىل تۇرعىندارىنىڭ تابىسىن ارتتىرۋ باعىتىندا اتقارىلىپ جاتقان جۇمىسقا نازار اۋداردى. اگروونەركاسىپتىك كەشەندى 2025 جىلعا دەيىن دامىتۋ جونىندەگى ۇلتتىق جوبا شەڭبەرىندە اۋىل تۇرعىندارىن نەسيەلەندىرۋ جۇمىسى كوزدەلىپ وتىر. وسى ماقساتتا 2023 جىلدان باستاپ جىل سايىن 7500 شاعىن نەسيە بەرۋ جوسپارىمەن 30 ملرد تەڭگە سوماسىندا قارجىلاندىرۋ كولەمى قاراستىرىلدى. سونداي-اق، ول ينۆەستيتسيالىق جوبالاردى ىسكە اسىرۋ ماسەلەسىنە دە جەكە توقتالدى.

«بيىل اوك-تە 81،1 ملرد تەڭگە سوماسىنا 110 ينۆەستيتسيالىق جوبا پايدالانۋعا بەرىلدى. ناتيجەسىندە، 2022 جىلدىڭ 8 ايىندا اوك-ءتىڭ نەگىزگى كاپيتالىنا قۇيىلعان ينۆەستيتسيا كولەمى 524،8 ملرد تەڭگەنى قۇرادى. بۇل 2019 جىلدىڭ ۇقساس كەزەڭىمەن سالىستىرعاندا 1،7 ەسە كوپ (306،3 ملرد تەڭگە). جىل سوڭىنا دەيىن 127 ينۆەستيتسيالىق جوبانى ىسكە قوسۋ جوسپارلانۋدا»، دەپ اتاپ ءوتتى ول.

وتىرىس قورىتىندىسى بويىنشا كوميتەت بەيىندى مەملەكەتتىك ورگاندارعا ارنالعان بىرقاتار ناقتى ۇسىنىمدار قابىلدادى.

سوڭعى جاڭالىقتار

ۇمىتىلماس تاريحي ءسات

پىكىر • بۇگىن، 07:43

باتىل كوزقاراس، بايىپتى جول

پىكىر • بۇگىن، 07:42

ەل سەنىمىن ارتتىرعان

پىكىر • بۇگىن، 07:41

قاپىسىز حالىق قالاۋى

پىكىر • بۇگىن، 07:40

شاعىن بيزنەستىڭ شاراپاتى

بيزنەس • بۇگىن، 07:39

ساپالى ينتەرنەت قولجەتىمدى

قوعام • بۇگىن، 07:35

جاس ساياساتكەر مەكتەبى

قوعام • بۇگىن، 07:33

ماماندىق تاڭداۋدىڭ ماڭىزى

قوعام • بۇگىن، 07:31

شابانباي بيگە قۇرمەت

ايماقتار • بۇگىن، 07:30

ۇقساس جاڭالىقتار