كوميتەت توراعاسى قازاقستاندىق ازاماتتىق اۆياتسيا سالاسىنىڭ بۇگىنگى احۋالى جايىندا جانە الداعى جوسپارلارى تۋراسىندا اڭگىمەلەدى. ال كەتي ليچ «كليماتتىق امبيتسيالار ءۇشىن حالىقارالىق اۆياتسيالىق كواليتسيا» جوباسىنا قولداۋ كورسەتۋگە شاقىردى. بۇل جوبا ۇلىبريتانيانىڭ باستاماسىمەن جۇزەگە اسىرىلۋدا. وسى رەتتە ايتا كەتەرلىگى, كليماتتىق امبيتسيالار ءۇشىن حالىقارالىق اۆياتسيالىق كواليتسيانىڭ قۇرامىنا ICAO ۇيىمىنىڭ جاھاندىق جەتەكشىلىگىمەن جۇمىس ىستەيتىن ەلدەر توبى كىرەدى. كواليتسيا كليماتتىق امبيتسيالاردى ارتتىرۋدىڭ جالپى ماقساتىنا جەتۋدى كوزدەيدى.
ءوز كەزەگىندە قازاقستاندىق تاراپ قورشاعان ورتاعا كەرى اسەردى ازايتۋعا مۇددەلى ەكەندىگىن جانە بۇل ماسەلەنى بارلىق ىنتالى تاراپتار مەن ۇلتتىق مۇددەلەردى ەسكەرە وتىرىپ جان-جاقتى قاراۋعا دايىن ەكەندىگىن جەتكىزدى.
سونىمەن قاتار كەزدەسۋ بارىسىندا بيىل 27 قىركۇيەك پەن 7 قازان ارالىعىندا وتەتىن حالىقارالىق ازاماتتىق اۆياتسيا ۇيىمى (ICAO) اسسامبلەياسىنىڭ 41-ءشى سەسسياسىنىڭ كۇن تارتىبىندەگى ماسەلەلەردى نازارعا الدى. بۇدان بولەك, ەلدەر اراسىنداعى 2022-2023 جىلدارداعى كۇزگى-قىسقى ناۆيگاتسيا كەزەڭىندەگى كۇندەلىكتى تۇراقتى رەيستەردىڭ سانىن ارتتىرۋ جايى دا قاراستىرىلدى.
