ۇلتتىق ەكونوميكا مينيسترى الىبەك قۋانتىروۆتىڭ مالىمدەۋىنشە, 2021 جىلى ۇلتتىق جوبا اياسىندا 48,8 مىڭ جوباعا مەملەكەتتىك قولداۋ كورسەتىلدى, قىزمەت كورسەتۋ جانە وڭدەۋ ونەركاسىبى سالالارىندا جاڭا بيزنەس-يدەيالاردى ىسكە اسىرۋ ءۇشىن 984 جوباعا گرانتتار بەرىلدى. بۇدان باسقا, 33,4 مىڭ ادام كاسىپكەرلىك نەگىزدەرىن وقىدى جانە 169 مىڭنان استام شوب سۋبەكتىلەرى بيزنەس اشۋ جانە ونى جۇرگىزۋ بويىنشا كونسۋلتاتسيالىق قىزمەتتەر الدى.
جىل قورىتىندىسى بويىنشا ۇلتتىق جوبانىڭ ءىس-شارالارىن ىسكە اسىرۋ ارقاسىندا 320 مىڭ جاڭا جۇمىس ورنى قۇرىلدى (جوسپار – 196 مىڭ), 814 مىڭ ادامدى جۇمىسقا ورنالاستىرۋعا كومەك كورسەتىلدى (جوسپار – 700 مىڭ). سونىمەن قاتار تابىسى ەڭ تومەنگى كۇنكورىس دەڭگەيىنەن ناشار اۋىل حالقىنىڭ ۇلەسى تومەندەدى, شوب-تىڭ ءجىو-گە ۇلەسى ءوستى, ال ەكونوميكاداعى مەملەكەتتىك سەكتوردىڭ ۇلەسى 14,5%-عا دەيىن تومەندەدى.
وسى ماسەلە بويىنشا «اتامەكەن» ۇكپ تورالقاسىنىڭ توراعاسى رايىمبەك باتالوۆ, پاۆلودار وبلىسىنىڭ اكىمى ابىلقايىر سقاقوۆ, اقتوبە وبلىسىنىڭ اكىمى ەرالى توعجانوۆ, سونداي-اق شىمكەنت قالاسى اكىمىنىڭ ورىنباسارى ايبەك ساتتىباەۆ بايانداما جاسادى.
«باستى ماقسات – حالىقتى جۇمىسپەن قامتىپ, كاسىپكەرلىك سۋبەكتىلەرىنىڭ بارىنە بىردەي, تەڭ جاعداي جاساۋ. بۇل ءۇشىن مەملەكەت بيزنەستى جۇرگىزۋدىڭ اشىق جانە تۇسىنىكتى ەرەجەلەرىن قابىلداپ وتىر», دەدى ءاليحان سمايىلوۆ.
سونىمەن قاتار ۇكىمەت باسشىسى ۇكىمەتتىڭ «اتامەكەن» پالاتاسىمەن بىرلەسىپ, كاسىپكەرلىك قىزمەت سالاسىنا جاڭا رەتتەۋ ساياساتىن ەنگىزۋ بويىنشا اۋقىمدى جۇمىس اتقارىپ جاتقانىن ەسكە سالدى. اتاپ ايتقاندا, ادامي فاكتورلاردىڭ اسەرىن بارىنشا ازايتۋ ءۇشىن مەملەكەتتىك باقىلاۋدا تاۋەكەلدەردى باسقارۋ جانە باعالاۋ جۇيەسىن اۆتوماتتاندىرۋ بويىنشا كەشەندى شارالار قابىلدانۋدا.
«رەفورمانى تازا پاراقتان باستاپ جۇزەگە اسىرۋ بيزنەس-ورتانى رەتتەۋدىڭ تيىمدىلىگىن ارتتىرىپ, كاسىپكەرلەرگە قولايلى جاعدايلار جاسايدى», دەدى پرەمەر-مينيستر.
ونىڭ ايتۋىنشا, بيىل شاعىن جانە ورتا بيزنەستىڭ جالپى ىشكى ونىمدەگى ۇلەسى 33,5%-عا جەتتى. كاسىپكەرلىك سۋبەكتىلەرىنىڭ سانى – 1,4 ملن. شاعىن جانە ورتا بيزنەستە جۇمىسپەن قامتىلعانداردىڭ جالپى سانى 3,5 ملن ادامدى قۇراپ وتىر.
ء«بىزدىڭ ماقساتىمىز – كاسىپكەرلەردىڭ مۇمكىندىكتەرىن كەڭەيتۋ ماقساتىندا وسى باعىتتاعى ساپالى وزگەرىستەرگە قول جەتكىزۋ. ۇلتتىق جوبانى ىسكە اسىرۋ 2025 جىلعا قاراي شاعىن جانە ورتا بيزنەستىڭ جالپى ىشكى ونىمدەگى ۇلەسىن 35%-عا دەيىن ۇلعايتۋعا, 1 ملن-عا جۋىق جۇمىس ورنىن قۇرۋعا جانە مەملەكەتتىڭ ەكونوميكاداعى ۇلەسىن 14%-عا دەيىن ازايتۋعا مۇمكىندىك بەرۋى ءتيىس», دەدى ءاليحان سمايىلوۆ.
بۇل ورايدا ۇلتتىق جوبانىڭ كورسەتكىشتەرىنە ساپالى جانە ۋاقىتىلى قول جەتكىزۋدى قامتاماسىز ەتۋ ءۇشىن پرەمەر-مينيستر بيزنەسكە ارنالعان قارسى مىندەتتەمەلەردى ەسكەرە وتىرىپ, ۇلتتىق جوبانىڭ بارلىق باعىتتارى بويىنشا مەملەكەتتىك قولداۋ شارالارىنىڭ تيىمدىلىگىن ارتتىرۋدى تاپسىردى.
«كاسىپكەرلەردەن جاڭا جۇمىس ورىندارىنىڭ اشىلۋىن, تۇراقتى جالاقىنىڭ, زەينەتاقى جارنالارى مەن سالىقتاردىڭ ۋاقىتىمەن تولەنۋىن, شىعارىلاتىن ءونىم تۇرلەرىنىڭ كوبەيۋىن كۇتەمىز», دەدى ءا.سمايىلوۆ.
ودان بولەك, اكىمدىكتەرگە كاسىپ اشام دەگەن ازاماتتارعا جان-جاقتى قولداۋ كورسەتۋ تاپسىرىلدى: ەلەكترمەن, سۋمەن, جىلۋمەن قامتاماسىز ەتۋ, جول سالۋ ماسەلەلەرى بويىنشا جەدەل شەشىم قابىلداۋ كەرەك. ۇلتتىق ەكونوميكا مينيسترلىگى مەن «اتامەكەن» پالاتاسىنا بيزنەسكە تۇسەتىن اكىمشىلىك جۇكتەمەنى ازايتۋ جۇمىستارىن جالعاستىرۋ, سونداي-اق بيزنەسكە ارنالعان مىندەتتى تالاپتاردى, ونىڭ ىشىندە جاڭادان ەنگىزىلەتىن تالاپتاردى دا قايتا قاراۋ تاپسىرىلدى.
«مەملەكەت بيزنەستىڭ تۇراقتى جانە تابىستى قىزمەتىنە مۇددەلى. كاسىپكەرلەر وسىنى ناقتى سەزىنۋلەرى كەرەك», دەپ تۇيىندەدى پرەمەر-مينيستر.
