ماحسا اميني 13 قىركۇيەكتە ۇستالىپ, 16 قىركۇيەكتە اۋرۋحانا توسەگىندە جان تاپسىردى. وسىعان بايلانىستى تەگەران مەن ەلدىڭ كوپتەگەن پروۆينتسيالارىندا جاپپاي تارتىپسىزدىكتەر باستالدى.
ەل استاناسىنداعى ەبۋزەر بۋلۆارىندا دەمونسترانتتار جولداعى كەدەرگىلەردى ورتەۋگە تىرىسقان. جەرگىلىكتى پوليتسيا نارازىلىق بىلدىرۋشىلەردى تاراتۋ ماقساتىندا كوزدەن جاس اعىزاتىن گاز بەن تاياقشالاردى قولدانعانى حابارلاندى.
تەگەراندا نارازىلىق بىلدىرۋشىلەر رەي كۆارتالىنداعى يسلام رەۆوليۋتسيالىق ساقشىلار كورپۋسىنىڭ ءبىر پۋنكتىنە شابۋىل جاسادى دەگەن اقپارات تارادى.
عالامتور قولدانۋشىلارى جاريالاعان بەينەروليكتەردە اتىس پەن جارىلىستىڭ دىبىستارى ەستىلگەن.
مازەندەراننىڭ سولتۇستىك پروۆينتسياسىنداعى بۋشەر قالاسىندا قۇقىق قورعاۋ ورگاندارىنىڭ قىزمەتكەرلەرى ۇكىمەتكە قارسى ۇران ايتقان دەمونسترانتتارعا قارسى كۇش قولداندى.
يراننىڭ رەسمي IRNA اقپارات اگەنتتىگىنىڭ حابارلاۋىنشا, مازەندەراندا 450 ادام قاماۋعا الىندى.
ءبىر كۇن بۇرىن ەلدىڭ سولتۇستىگىندەگى گيليان پروۆينتسياسىندا 739 ادام, ونىڭ ىشىندە 60 ايەل ۇستالدى. بۇل تۋرالى جەرگىلىكتى پوليتسيا باسشىسى ازيزيوللا مالەكي مالىمدەدى.
سوڭعى ەكى كۇندە شەرۋگە شىققان ونداعان ستۋدەنت قاماۋعا الىندى.
