ايماقتار • 24 قىركۇيەك، 2022

باتىس قازاقستاندا شەكارا ماسەلەسى بويىنشا ۇيلەستىرۋ كەڭەسى ءوتتى

99 رەت كورسەتىلدى

باتىس قازاقستان وبلىسىنىڭ اكىمى عالي ەسقاليەۆ وڭىردەگى شەكارا قىزمەتى جانە باسقا دا مۇددەلى مەملەكەتتىك ورگانداردىڭ قاتىسۋىمەن شەكارا ماسەلەلەرى بويىنشا ۇيلەستىرۋ كەڭەسىن وتكىزدى، دەپ حابارلايدى Egemen.kz.

ءوڭىر باسشىسى وبلىس اۋماعىندا قوعامدىق ءتارتىپتى ساقتاۋدى، پاترۋلدەۋدى كۇشەيتۋدى جانە حالىق اراسىندا كوشى-قون زاڭناماسىن ساقتاۋ بويىنشا ءتۇسىندىرۋ جۇمىستارىن جۇرگىزۋدى تاپسىردى.

شەكارا ماڭىنداعى اۋدان-اۋىلداردىڭ اكىمدەرى مەن تۇرعىندارىنا شەكارانى زاڭسىز كەسىپ ءوتۋ فاكتىلەرى، كۇدىكتى ادامدار تۋرالى حابارلاۋ ءۇشىن كەزەكشى تەلەفون نومىرلەرى تاراتىلعان.

باتىس قازاقستان وبلىسىنىڭ شەكارا اۋماعىندا 6 اۆتوموبيل وتكىزۋ پۋنكتى جۇمىس ىستەيدى. 20-23 قىركۇيەك ارالىعىندا بۇل بەكەتتەردەن رەسەي فەدەراتسياسىنىڭ 8658 ازاماتى وتكەن.

«جولاۋشىلار اعىنىنىڭ 3 ەسە ءوسۋى بايقالادى»، دەيدى ماماندار.

سونداي-اق شەكارانىڭ رەسەي جاق بەتىندە جۇك جانە جەڭىل اۆتوكولىكتەردىڭ جينالۋى بايقالادى.

بۇگىندە بارلىق شەكارا ماڭىنداعى وتكىزۋ پۋنكتتەرى قالىپتى جاعدايدا جۇمىس ىستەۋدە.

ەلىمىزدىڭ زاڭدارى بويىنشا شەتەل ازاماتىن قابىلداۋشى تاراپ ول جونىندە جەرگىلىكتى كوشى-قون قىزمەتىن حاباردار ەتۋگە مىندەتتى. بۇل ءۇش جۇمىس كۇنى ىشىندە جاسالۋى كەرەك. مۇنداي حابارلامانى ۋاقتىلى بەرمەگەن تاراپ اكىمشىلىك جاۋاپكەرشىلىككە تارتىلىپ، ايىپپۇل ارقالاۋى مۇمكىن.

قازىرگى ۋاقىتتا باتىس قازاقستان وبلىسىندا الەۋمەتتىك ماڭىزى بار ازىق-ت ۇلىك تاۋارلارى بويىنشا باعا جاعدايى تۇراقتى. جەتكىزۋ جانە ساتۋ قالىپتى رەجىمدە جۇزەگە اسىرىلادى. نارىقتا جانە قويمادا ازىق-ت ۇلىك قورى جەتكىلىكتى. سونىمەن قاتار ءوڭىردىڭ تاۋار وندىرۋشىلەرى جينالعان ەگىننىڭ كەمىندە 15%-ىن تاپسىرىپ، وندىرىلگەن ءونىمدى نارىقتىق باعادان 15%-عا تومەن باعامەن وبلىس تۇرعىندارىنا جەتكىزۋ جونىندە مەموراندۋمعا قول قويعان.

«قاجەت بولعان جاعدايدا مونيتورينگ جانە جەدەل شارالار قابىلداۋ ءۇشىن جەكە شتاب قۇرىلاتىن بولادى. سونداي-اق ارادا دەلدالداردى بولدىرماۋ ءۇشىن ازىق-ت ۇلىك تاۋارلارىنا باعا بەلگىلەۋدىڭ دەلدالدىق سحەمالارىن تەكسەرۋ جونىندەگى كوميسسيا دا قارالاتىن بولادى. ءبىز وڭىردە ازىق-ت ۇلىك تاپشىلىعىنا جول بەرمەي، قاجەتتى تاۋارلاردىڭ تۇراقتى بولۋىن قامتاماسىز ەتەمىز»، دەدى باتىس قازاقسان وبلىسىنىڭ اكىمى عالي ەسقاليەۆ.

ءوڭىر باسشىسى جىلجىمايتىن م ۇلىك نارىعىندا، سونداي-اق جولاۋشىلار تاسىمالىندا ەڭ وزەكتى ماسەلەنىڭ ءبىرى – زاڭسىز قىزمەتكە توسقاۋىل قويۋ ءۇشىن ءتيىستى ورگاندارعا تاپسىرما بەردى.

قازىرگى ۋاقىتتا ورال قالاسى مەنە سامارا، تولياتتي، ساراتوۆ، ورىنبور قالالارى اراسىندا حالىقارالىق 4 اۆتوبۋس باعىتى جۇمىس ىستەيدى. جولاۋشىلار اعىنى اسىرەسە سامارا باعىتىندا كوبەيگەن. سوڭعى كۇندەرى ورال قالاسىنان سامارا قالاسىنا – تاۋلىگىنە 3 رەيس، سامارادان ورال قالاسىنا 4 رەيس ءجۇرىپ تۇر.

سامارا، تولياتتي جانە ورىنبور باعىتىنداعى بيلەتتەردىڭ باعاسى وزگەرگەن جوق. ساراتوۆقا بيلەت باعاسى بيىلعى 8 قىركۇيەكتەن باستاپ كوتەرىلىپ، 7 550 تەڭگەگە جەتتى.  بۇرىن ول 6 000 تەڭگە بولاتىن.

سوڭعى جاڭالىقتار

QazaqGaz ديرەكتورلار كەڭەسىنىڭ قۇرامى وزگەردى

قازاقستان • 02 جەلتوقسان، 2022

ماۋلەن اشىمباەۆ قىتاي حالقىنا كوڭىل ايتتى

پارلامەنت • 02 جەلتوقسان، 2022

ۇقساس جاڭالىقتار