ەكولوگيا • 23 قىركۇيەك، 2022

دۇنيەجۇزىلىك تازالىق كۇنىنە ارنالعان اكتسيا قورىتىندىلاندى

85 رەت كورسەتىلدى

«عالامشاردى تولىق تازالاۋ» — ۇيىمداستىرۋشىلار دۇنيەجۇزىلىك تازالىق كۇنىنە ارنالعان اكتسيانى وسىلاي اتايدى، بۇل اكتسياعا ءداستۇر بويىنشا عالامشاردى تازارتۋعا جانە ەكولوگيا ماسەلەلەرىنە قوعامنىڭ نازارىن اۋدارتۋعا تالپىناتىن الەمنىڭ 180-نەن استام ەلىنەن ميلليونداعان ەرىكتىلەر قوسىلادى، دەپ حابارلايدى Egemen.kz.

ايتا كەتسەك، قازاقستان بۇل اكتسياعا بەسىنشى جىل قاتارىنان قاتىسۋدا، ال ونىڭ ۇيىمداستىرۋشىلارى قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار مينيسترلىگى مەن اكىمدىكتەردىڭ قولداۋىمەن «قازاقستاننىڭ ەكولوگيالىق ۇيىمدارىنىڭ قاۋىمداستىعى» زتب، «جاسىل ەكونوميكانى قولداۋ جانە G-Global-دى دامىتۋ كواليتسياسى» زتب، «Let's do it، Qazaq eli» قق بولدى.

ەلىمىزدىڭ قالالارى مەن قالا ماڭىنداعى قوقىستاردى تازالاۋعا ەكولوگيا ماسەلەلەرىنە بەي-جاي قارامايتىن 33 مىڭ قازاقستاندىق شىقتى.

ەكولوگيا، گەولوگيا جانە تابيعي رەسۋرستار مينيسترلىگىنىڭ مالىمەتىنشە، اكتسيا بارىسىندا 8 مىڭ گەكتاردان استام جەر تازارتىلىپ، 20 مىڭ توننادان استام قوقىس جينالدى، ال جينالعان قوقىس سۇرىپتالىپ، قايتا وڭدەۋگە جىبەرىلدى. سونىمەن، 1،8 مىڭ توننادان استام شىنى، 3 مىڭ توننا پلاستيك، 2 مىڭ توننا رەزەڭكە، 2،8 مىڭ توننا قاعاز جانە كارتون، 1 مىڭ توننا مەتالل جىبەرىلدى.

م
اكتسيا اياسىندا ەلدى مەكەندەردىڭ توڭىرەگىندەگى رۇقسات ەتىلمەگەن قوقىس تاستايتىن جەرلەردى جويۋ، قالالاردىڭ رەكرەاتسيالىق ايماقتارىن، ساياباقتار مەن اللەيالارىن تازارتۋ جۇمىستارى جۇرگىزىلدى. اۋلالاردى تازالاۋ جۇمىستارىنا وڭىرلەر مەن ۇيىمداردىڭ تۇرعىندارى بارىنشا تارتىلدى. وعان ەرىكتىلەر، ەكوبەلسەندىلەر، قوعام بەلسەندىلەرى، بيزنەس وكىلدەرى قاتىستى. قاتىسۋشىلار سانى شامامەن 330 مىڭ ادامدى قۇرادى. بۇل 33 مىڭنان استام ۆولونتەر، 77 مىڭنان استام مەملەكەتتىك ورگانداردىڭ وكىلدەرى، 131 مىڭنان استام ازاماتتار.

«قالالاردا دا، اۋىلدىق دەڭگەيدە دە ستيحيالىق قوقىس ۇيىندىلەرى مەن قوقىستاردىڭ كوپ مولشەرىن قالىپتاستىرۋ - بۇل تۇتىنۋدىڭ ءالسىز مادەنيەتى مەن ادامنىڭ قورشاعان ورتاعا سەلقوس قاراۋىنىڭ سالدارى. ماسەلەنىڭ سەبەبى وزىمىزدە. «Stop Musor» جوباسى ازاماتتاردىڭ الەۋمەتتىك جاۋاپكەرشىلىك دەڭگەيىن ارتتىرۋعا ىقپال ەتەتىنىنە سەنىمدىمىن! وسىعان بايلانىستى قەۇق وسى ماڭىزدى جانە ءماندى جوبانى جالعاستىرۋدا، ونىڭ نەگىزگى يدەياسى قاراپايىم تەزيس. ءوز قوقىسىڭدى قوقىس جاشىگىنە جەتكىزۋ قيىن ەمەس»، دەدى قازاقستاننىڭ ەكولوگيالىق ۇيىمدارى قاۋىمداستىعىنىڭ باسقارما ءتورايىمى ايگۇل سولوۆەۆا.   

«Stop Musor» الەۋمەتتىك-ەكولوگيالىق جوباسى قازاقستاندا 2020 جىلدان باستاپ تۇرمىستىق قالدىقتاردى دۇرىس كادەگە جاراتۋ مادەنيەتىن تاربيەلەۋ، قوقىستانۋ دەڭگەيىن تومەندەتۋ جانە قازاقستاندىقتار اراسىندا قتق-نى بولەك جيناۋدى تانىمال ەتۋ ماقساتىندا ىسكە اسىرىلۋدا. جوبا وسى جىلى ءداستۇرلى تۇردە دۇنيەجۇزىلىك تازالىق كۇنىنە ارنالعان اكتسياعا قاتىسقان «فيليپ مورريس قازاقستان» كومپانياسىنىڭ قارجىلىق قولداۋىمەن جۇزەگە اسىرىلۋدا.

الماتىدا كومپانيانىڭ 80–نەن استام قىزمەتكەرى مەن ولاردىڭ وتباسى مۇشەلەرى اسا لاستانعان جەرلەرى - كازاچكا جانە ايۋساي وزەندەرىنىڭ شاتقالدارىندا قوقىستى تازالاۋ ءۇشىن الماراسان شاتقالىنا اتتاندى. 620 كگ تۇرمىستىق قالدىقتار مەن باسقا دا قوقىستار جينالدى، ولار قاپتارعا سالىنىپ، ودان ءارى كادەگە جاراتۋ ءۇشىن شىعارىلدى.

ء«بىزدىڭ تاۋلارىمىزدىڭ اسەمدىگى ءاردايىم تۋريستەردى قىزىقتىرادى، بىراق، وكىنىشكە قاراي، ولاردىڭ بارلىعى قورشاعان ورتانى قورعاۋعا جاۋاپكەرشىلىكپەن قاراي بەرمەيدى جانە قوقىس قالدىرۋدى جالعاستىرۋدا. ال الما-اراسان شاتقالى – تۋريستەر اراسىندا ەڭ تانىمالداردىڭ ءبىرى. ءبىز ساياباقتىڭ اۋماعىن تازالاي العانىمىزعا قۋانىشتىمىز، بىراق تانىمال دانالىقتى ەسكە سالعىم كەلەدى – تازالاناتىن جەردە ەمەس، قوقىس تاستالمايتىن جەردە تازالىق بار. «فيليپ مورريس قازاقستان» كومپانياسى وندىرىستە دە، فابريكادان تىس جەرلەردە دە قورشاعان ورتانى قورعاۋعا ۇلكەن كوڭىل بولەدى. سوندىقتان قازاقستاننىڭ ەكولوگيالىق ۇيىمدارى قاۋىمداستىعىمەن ىنتىماقتاستىقتا حالىقتىڭ ەكولوگيالىق ساۋاتتىلىعىن ارتتىرۋعا باعىتتالعان «Stop Musor» جوباسى ىسكە قوسىلدى. ال، دۇنيەجۇزىلىك تازالىق كۇنىنىڭ حالىقارالىق باستاماسى كومپانيا قىزمەتكەرلەرىنەن قولداۋ تاۋىپ، قاتىسۋعا نيەت تۋدىرۋدا»، دەپ ءتۇسىندىردى «فيليپ مورريس قازاقستان» جشس تۇراقتى دامۋ جونىندەگى باسقارۋشىسى رينات زايتوۆ.

فمق قىزمەتكەرلەرى پرەزيدەنتتىك ساياباقتا 250 ءتۇپ قايىڭ اعاشتارىن وتىرعىزدى.

قازاقستاننىڭ ەكولوگيالىق ۇيىمدارىنىڭ قاۋىمداستىعى دۇنيەجۇزىلىك تازالىق كۇنىنە ارنالعان اكتسيامەن «Stop Musor» جوباسى جۇمىسىنىڭ ءۇشىنشى جىلى باستالعانىن، ونىڭ شەڭبەرىندە قازاقستاندىق قالالاردى تازا ءارى جايلى ەتۋگە، ال ەل ازاماتتارىن قورشاعان ورتاعا قاتىستى نەعۇرلىم جاۋاپتى، قامقور جانە ەكو-دوستىق قالىپتا بولۋعا ارنالعان جاڭا ەكو-باستامالار ىسكە اسىرىلاتىنىن اتاپ ءوتتى.

سوڭعى جاڭالىقتار

بۇگىنگى ۆاليۋتا باعامى

قارجى • بۇگىن، 09:55

ۇقساس جاڭالىقتار