«بىزدە الدىن الا ەسەپتەۋلەر بار. بارلىق تاريفتەر بويىنشا باق ءۇشىن (كانديداتتاردى تەلەديداردان, راديودان شىعادى, باسپا باسىلىمدارىنا ورنالاستىرادى), ءۇي-جايدى, كولىكتى جالعا الۋ, ءار كانديداتقا شامامەن 10 ملن تەڭگە بولىنەدى. بۇل ماسەلە بويىنشا ۇكىمەتتىڭ شەشىمى مەن ورتالىق سايلاۋ كوميسسياسىنىڭ شەشىمىن ءالى العان جوقپىز. بۇل جوسپارلى شىعىندار», دەپ ءتۇسىندىردى ورتالىق سايلاۋ كوميسسياسىنىڭ مۇشەسى ءسابيلا مۇستافينا.
بۇعان دەيىن حابارلاعانداي, مەملەكەت باسشىسى قاسىم-جومارت توقاەۆ قازاقستان رەسپۋبليكاسى پرەزيدەنتىنىڭ كەزەكتەن تىس سايلاۋىن تاعايىنداۋ تۋرالى جارلىققا قول قويعان بولاتىن. سايلاۋ 20 قاراشادا وتەدى. قازاقستان رەسپۋبليكاسى پرەزيدەنتتىگىنە كانديداتتار ءۇشىن سايلاۋ جارناسىنىڭ مولشەرى بۇگىندە 3 ميلليون تەڭگەنى قۇرايدى.
