«2022 جىلعى 21 قىركۇيەكتە استانا قالاسىنىڭ «نۇرسۇلتان نازارباەۆ» حالىقارالىق اۋەجايىندا «اۋەجاي-استانا كەدەن بەكەتىندە دۋبايدان كەلە جاتقان حالىقارالىق اۋە رەيسى جولاۋشىلارىن كەدەندىك باقىلاۋدان ءوتۋى كەزىندە كەدەن بەكەتىنىڭ قىزمەتكەرلەرى قر ۇقك شەكارا قىزمەتىنىڭ قىزمەتكەرلەرىمەن بىرلەسىپ, ساتىلىمعا شىعارىلماعان 11 دانا كولەمىندە دەكلاراتسيالانباعان IPHONE 14 PRO ماركالى ۇيالى تەلەفونداردى اكەلۋ ارەكەتىن انىقتادى», دەلىنگەن حابارلامادا.
قر قم 2015 جىلعى 31 ناۋرىزداعى № 250 بۇيرىعىن سايكەس جەكە تۇلعالار كەدەن وداعىنىڭ كەدەندىك شەكاراسى ارقىلى وتكىزەتىن تاۋارلاردى جەكە پايدالانۋ ءۇشىن جاتقىزۋ كريتەريلەرىمەن ۇيالى تەلەفوندار – 1 ادامعا 2 بىرلىكتەن اسپاۋى ءتيىس.
ۇستالعان ۇيالى تەلەفوندار كەدەندىك تازارتۋدان ءوتۋ ءۇشىن ۋاقىتشا ساقتاۋ قويماسىنا ورنالاستىرىلادى.
وسىلايشا, قر ازاماتى ۇيالى تەلەفونداردى دەكلاراتسيالاماعانى ءۇشىن اكىمشىلىك جاۋاپكەرشىلىككە تارتىلادى.
قازىرگى ۋاقىتتا «اۋەجاي-استانا» كەدەن بەكەتى باقىلاۋدى كۇشەيتىپ, دەكلاراتسيالانباعان تەلەفونداردى الىپ ءجۇرۋدىڭ جولىن كەسۋ بويىنشا استانا اۋەجايىنىڭ ارالاس قىزمەتتەرىمەن تەكسەرۋ ءىس-شارالارىن جۇرگىزۋدە.
