وسىعان بايلانىستى «ارال تەڭىزى» قوعامدىق بىرلەستىگى باستاما كوتەرىپ, سۋ رەسۋرستارىن تابيعات اياسىنا كەلىپ دەمالۋشىلار مەن براكونەرلەردەن قالعان وسىنداي زياندى زاتتاردان قورعايتىن جوبانى جۇزەگە اسىرۋدا.
بۇل ءۇشىن USAID قورىنىڭ دەمەۋشىلىگىمەن سۋ قويمالارىنداعى قالدىقتاردى تازارتۋعا ارنالعان قۇرىلعى جانە سۋ استىنداعىنى كورەتىن كامەرا قولدانىلىپ وتىر. قور وكىلدەرى اۋدانعا كەلگەن ساپارىندا اقشاتاۋ كولىنە بارىپ, قۇرىلعىلاردىڭ جۇمىس بارىسىن كوردى. سونىمەن بىرگە «جامبىل» وندىرىستىك كووپەراتيۆىندەگى ينكۋباتسيالىق تسەح جۇمىسىمەن تانىستى, سۋ توعاندارىن ارالادى.
جوبا بويىنشا سۋ رەسۋرستارىن تازالاۋدان بولەك الىنعان قالدىقتار كادەگە جاراتىلۋى كەرەك. بۇل ءۇشىن ارال قالاسىندا پلاستيكالىق قالدىقتاردى قايتا وڭدەپ, ودان ءونىم شىعاراتىن تسەح سالىنادى.
قىزىلوردا وبلىسى
