كەزدەسۋ بارىسىندا پرەمەر-مينيستر بيىل ەكى ەل اراسىنداعى ديپلوماتيالىق قاتىناستاردىڭ ورناعانىنا 30 جىل تولىپ وتىرعانىن اتاپ ءوتتى. ونىڭ ايتۋىنشا, سول ۋاقىت ارالىعىندا ديپلوماتيالىق قاتىناستار ستراتەگيالىق سەرىكتەستىك دەڭگەيىنە كوتەرىلدى.
ء«بىز ءوزارا قىزىعۋشىلىق تۋدىراتىن ەكونوميكانىڭ بارلىق سالالارىندا كەڭ اۋقىمدى ىنتىماقتاستىقتى ودان ءارى نىعايتۋعا نيەتتىمىز. سونداي-اق بىرىككەن اراب امىرلىكتەرىنە قازاقستاننىڭ حالىقارالىق باستامالارىن ءاردايىم تۇراقتى تۇردە قولداپ وتىرعانى ءۇشىن العىس ايتامىز», دەدى ءاليحان سمايىلوۆ.
«ينۆەستيتسيالىق ىنتىماقتاستىقتى ودان ءارى ارتتىرۋ جانە تەرەڭدەتۋ ءۇشىن ايتارلىقتاي الەۋەت بار. ۇكىمەت ينۆەستورلارعا ولاردىڭ باستامالارىن ىسكە اسىرۋدا جان-جاقتى قولداۋ كورسەتۋگە ءازىر. جاقىن ارادا ءبىز جاڭا بىرلەسكەن جوبالاردى ىسكە قوسامىز دەپ ۇمىتتەنەمىن», دەدى ءا.سمايىلوۆ.
«مەن ەكىجاقتى ىنتىماقتاستىقتىڭ بارلىق باعىتتارىن تولىق قولدايمىن», دەپ ءباا پرەزيدەنتى قازاقستان پرەزيدەنتى قاسىم-جومارت توقاەۆقا ىستىق ىقىلاسىن جەتكىزدى.
