ايتۋلى مەرەكە قارساڭىندا جاستارعا قىزمەت كورسەتۋ ورتالىعى اشىلدى. سالتاناتتى ءىس-شارادا قالا اكىمى الماس ءادىل بارشا جۇرتتى مەرەيلى مەرەكەمەن قۇتتىقتادى. تالدىقورعان قالاسىنداعى جاستارعا قىزمەت كورسەتۋ ورتالىعىنىڭ تيپىندە سالىنعان ەكى قاباتتى عيماراتتا 20 ادامدىق ءماجىلىس زالى, ينتەرنەت-كلۋب, 18 ورىنعا ارنالعان كوۆوركينگ ورتالىعى, شاحمات كلۋبى, 12 ادامعا ارنالعان, بارلىق قاجەتتىلىكپەن قامتىلعان ترەناجەر زالى, كيىم ىلەتىن ورىن, دۋش كابينالارى, پسيحولوگيالىق كومەك ورتالىعى, كومپيۋتەرلىك كۋرستار مەن روبوتتەحنيكا ساباقتارىن ۇيىمداستىرۋعا ارنالعان كابينەت, شاعىن كافەتەري, ءتيىستى ورگتەحنيكا مەن جيھازدار قويىلعان كەڭسە بولمەلەرى بار. قۇرىلىس اۋماعى – 670,5 شارشى مەتر. ورتالىق ءبىر مەزگىلدە 68 ادامدى قابىلداي الادى. مۇندا 10 ادام جۇمىس ىستەيدى.
جالپى, تەكەلى قالاسىندا 14 پەن 29 جاس ارالىعىنداعى جاستاردىڭ سانى – 5 452 ادام. جىل باسىنان بەرى تەكەلىدە 125 جاس جۇمىسقا ورنالاستىرىلدى. وسى رەتتە قالا مەكتەپتەرىندە 41 جاس مۇعالىم ەڭبەك ەتسە, سونىڭ 19-ى بيىل جۇمىسقا قابىلدانعان.
جەتىسۋ وبلىسى
