ينۆەستورلارعا تاۋ-كەن مەتاللۋرگيا كەشەنى, اۋىل شارۋاشىلىعى, مۇناي-گاز سالاسى, قۇرىلىس جانە ت. ب. سالالارداعى جالپى سوماسى $6,5 ملرد-تان استام جاڭادان 40 ينۆەستيتسيالىق جوبالار ءتىزىمى ۇسىنىلدى. ءاليحان سمايىلوۆ «Mubadala» توبىنىڭ باس اتقارۋشى ديرەكتورى مۋساببيح ءال-كاابيمەن كەزدەستى. «Mubadala» – باعالاۋ اكتيۆتەرى $285 ملرد-تى قۇرايتىن جانە تاۋەلسىز قورلاردىڭ الەمدىك رەيتينگىسىندە 13-ءشى ورىنعا يە مەملەكەتتىك ينۆەستيتسيالىق-دەۆەلوپەرلىك كومپانيا.
«ەنەرگەتيكا, حيميا ونەركاسىبى, اۋىل شارۋاشىلىعى, تاۋ-كەن مەتاللۋرگيا كەشەنى سالالارىندا الەۋەتىمىز زور. بۇل تۇرعىدا الەمدەگى قازىرگى جاعدايدى ەسكەرە وتىرىپ, ارنايى ازىرلەنگەن جاڭا جوبالاردى ىسكە اسىرۋعا قاتىسۋدى ۇسىنامىن», دەدى ءاليحان سمايىلوۆ.
سونداي-اق پرەمەر-مينيستر اۋىل شارۋاشىلىعى, ەنەرگەتيكا جانە بانك سەكتورىندا بىرلەسكەن جوبالاردى ىسكە قوسۋ پەرسپەكتيۆالارىن اتاپ ءوتتى.
«قازاقستان ۇكىمەتى ينۆەستيتسيالىق احۋالدى ءارى قاراي جاقسارتادى. الەمدەگى داعدارىستىق قۇبىلىستارعا قاراماستان, وسى جىلدىڭ ءى توقسانىنىڭ قورىتىندىسى بويىنشا ەلىمىزگە تارتىلعان تىكەلەي شەتەلدىك ينۆەستيتسيالار اعىنى 54%-عا ءوسىپ, $6,8 ملرد-تى قۇرادى», دەپ اتاپ كورسەتكەن ءاليحان سمايىلوۆ شەتەلدىك سەرىكتەستەردى ىنتىماقتاستىق ءۇشىن بارلىق مۇمكىندىكتەردى پايدالانۋعا شاقىردى.
ءوز كەزەگىندە مۋساببيح ءال-كاابي «Mubadala» كومپانياسى قازاقستاندا ينۆەستيتسيالىق جوبالاردى ىسكە قوسۋ مۇمكىندىكتەرىن جان-جاقتى قاراستىرىپ جاتقانىن ايتتى. اتاپ ايتقاندا, جاسىل ەنەرگەتيكا, قارجى, تاۋ-كەن مەتاللۋرگياسى, مۇناي جانە گاز سالالارىندا ىنتىماقتاستىققا قىزىعۋشىلىق تانىتۋدا.
سونىمەن قاتار پرەمەر-مينيستر «ADQ» كومپانياسىنىڭ باسقارۋشى جانە باس اتقارۋشى ديرەكتورى مۇحاممەد ءال-سۋۆەيديمەن كەلىسسوز جۇرگىزدى. «ADQ» – 90-نان استام كومپانياعا تىكەلەي جانە جاناما ينۆەستيتسيالار قۇيعان وڭىردەگى ءىرى حولدينگ كومپانيالاردىڭ ءبىرى.
«بۇل حولدينگتىڭ قىزمەت سالاسى وتە اۋقىمدى, اۋىل شارۋاشىلىعى, ونەركاسىپ, لوگيستيكا, دەنساۋلىق ساقتاۋ جانە ت.ب. سالالاردى قامتيدى. ولاردىڭ بارلىعى ءبىز ءۇشىن باسىم باعىتتار», دەپ اتاپ ءوتتى ءا.سمايىلوۆ.
ءوز كەزەگىندە مۇحاممەد ءال-سۋۆەيدي ۇسىنىلعان مۇمكىندىكتەر ءۇشىن قازاقستاندىق دەلەگاتسياعا العىسىن ءبىلدىرىپ, فارماتسەۆتيكا سالاسىنا, ازىق-ت ۇلىك تاۋارلارىن وندىرۋگە, لوگيستيكالىق باعىتتاردى دامىتۋعا جانە جاڭارتىلاتىن ەنەرگەتيكاعا ەرەكشە قىزىعۋشىلىق تانىتاتىنىن اتاپ ءوتتى.
سونىمەن قاتار ءاليحان سمايىلوۆ «Ayana Holding» كومپانياسىنىڭ توراعاسى ابدۋللا بەن لاحەدجبەن كەزدەستى, وندا قۇرىلىس سالاسىنداعى جوبالاردى ىسكە اسىرۋ ماسەلەلەرى تالقىلاندى.
ەكىجاقتى كەزدەسۋلەردىڭ قورىتىندىسى بويىنشا قازاقستان پرەمەر-ءمينيسترىنىڭ قاتىسۋىمەن ەكونوميكانىڭ ءتۇرلى سەكتورلارىندا جالپى سوماسى $900 ملن بولاتىن بىرقاتار ەكىجاقتى كوممەرتسيالىق قۇجاتقا قول قويىلدى.
