وتباسى باقىتى بارىنەن بيىك

«وتباسى كۇنى» اياسىندا وبلىس اكىمى نۇرلىبەك نالىباەۆ جار­تى عاسىر بىرگە عۇمىر كەشىپ كەلە جاتقان التىن توي يەلەرىمەن كەز­دەستى. ولاردىڭ قاتارىندا ەڭبە­گىمەن ابىروي بيىگىنە كوتەرىلگەن اۋلەتتەر وكىلدەرى بولدى.

ءوڭىر باسشىسى ۇلتىمىزدا وتباسى ۇعىمىنىڭ ورنى بولەك ەكەنىن اتاپ ءوتىپ، شاڭىراق شاتتىعىن بارىنەن بيىك قويعان جاندارعا قۇرمەت تانىتتى.

– حالقىمىزدا «وتان – وتباسىنان باستالادى» دەگەن كەرەمەت ءسوز بار. وتاندى سۇيۋگە تاربيەلەي­تىن بىردەن-ءبىر ورتا – وتباسى. جارا­سىم، سۇيىسپەنشىلىك، مەيىرىم سەكىلدى ىزگى قاسيەتتەر ارقىلى عانا شاڭى­راق بيىك قۇرىلىپ، كەرەگەسىن كەڭەي­تىپ، ءتۇتىنى ءتۇزۋ ۇشادى. ەل پرەزيدەنتى قاسىم-جومارت كەمەل ۇلى توقاەۆ وسى جىلعى جولداۋىندا وتباسىن قورعاۋ جانە بالا كاپيتالىن قالىپتاستىرۋعا ەرەكشە ءمان بەردى. مۇنداي قولداۋ ءاربىر قازاقستاندىقتىڭ ءوز بولاشاعىنا دەگەن سەنىمىن نىعايتا تۇسەتىنى ءسوزسىز، – دەدى وبلىس باسشىسى.

قازىر وڭىردە ەل تۇرمىسىن جاق­سارتۋ ءۇشىن قولعا الىنعان جوبالار كوپ. بۇل باستاماعا جەرگىلىكتى كاسىپكەرلەر دە ۇلەس قوسپاق. سون­داي ىسكەر ازاماتتىڭ ءبىرى وبلىس ورتالىعىنان «انالار ءۇيىن» سالۋ­عا بەل بايلاپ وتىر.

كەزدەسۋدە بەرەكەلى شاڭىراق يەلەرىن وبلىستىق ءماسليحات حات­شى­سى ناۋرىزباي بايقاداموۆ «وت­باسى كۇنىمەن» قۇتتىقتاپ، وسىن­­­داي ماۋەلى باققا اينالعان اۋلەت­­­تەگى شاڭىراق جاراسىمى جاس­­­تار­عا ۇلگى بولۋى كەرەكتىگىن ايتتى.

جيىندا 7 بالا، 20 نەمەرە، 5 شو­بەرە تاربيەلەگەن فايزۋللا ساحيەۆ پەن شاڭىراعىنان 8 بالا، 22 نەمەرە، 8 شوبەرە وربىگەن باتىر انا، «ەڭبەكتە ۇزدىك شىققانى ءۇشىن» مەدالى مەن «كۇمىس القا» يەگەرى، ساۋىنشى رازيا اپپازوۆا ءسوز الدى.

سوڭعى ءۇش جىلدا وڭىردە بالا تۋ كورسەتكىشى 16 پايىزعا كوبە­يىپ، دەموگرافيالىق ءوسىم ارتتى. اكىم­مەن اڭگىمەدە وسى سالاداعى ما­سەلەلەر دە ايتىل­دى. ارال اۋدا­نىنداعى سەكسەۋىل كەنتىنىڭ تۇر­عىنى تولەباي ماحانوۆ مىڭداعان تۇرعىنى بار ەلدى مەكەندە پەرزەنتحانا جوقتىعىن، اۋرۋحانا قۇرى­لىسىنىڭ ۇزاققا سوزىلىپ كەتكەنىن جەتكىزدى.

جينالعاندار وتباسى ونەگەسى، بالا تاربيەسى مەن جاستارعا ۇلت­تىق قۇندىلىقتاردى ناسيحاتتاۋ جا­يىندا پىكىر الماستى التىن توي يەلەرىنە جەرگىلىكتى ونەرپازدار جىردان شاشۋ شاشىپ، اۋلەتتىڭ انالارىنا سىي-قۇرمەت كورسەتىلدى.

قىزىلوردا