ناسىبايكەلىنى مۋزەي قىزمەتكەرلەرىنە جۋالى اۋدانىنىڭ تۇرعىنى وتكىزگەن ەكەن. ماماندار كەلتىرگەن دەرەكتەرگە زەر سالساق, جادىگەر 1940 جىلدارى جاسالعان كورىنەدى. ال وبلىستىق تاريحي-ولكەتانۋ مۋزەيىنىڭ قورىنا 2005 جىلى تاپسىرىلعان.
«ناسىبايدى ۇگىتۋگە ارنالعان اعاشتان جاسالعان شۇڭعىل ىدىستى جۋالى اۋدانىنا قاراستى كۇرەڭبەل اۋىلىنىڭ تۇرعىنى تاپسىرعان بولاتىن. بۇل جادىگەر ءبىر قاراعاندا وجاۋعا ۇقسايدى. جيەگىنىڭ ءبىر بولىگى زاقىمدانعان دەمەسەڭىز, قالعان بولىگى باستاپقى قالپىنان اينىماعان. ناسىبايكەلىنىڭ ءتۇبى شۇڭعىل بولىپ جاسالعان. ۇستايتىن تۇتقاسى دا جالپاق. سونداي-اق جادىگەردىڭ ناسىبايدى ۇنتاقتايتىن قالاقشاسى دا بار. بۇل جادىگەرلەردىڭ جاسالۋ ۇلگىسىنە قاراپ وتىرىپ, سول ۋاقىتتاعى ازاماتتاردىڭ شىن مانىندە شەبەر بولعانىنا تاڭدانباسقا امالىڭ قالمايدى», دەيدى وبلىستىق تاريحي-ولكەتانۋ مۋزەيى ديرەكتورىنىڭ ورىنباسارى زارينا دۇكەنباەۆا.
تاراز
