ءىىم ەكسترەميزمگە قارسى ءىس-قيمىل دەپارتامەنتى باستىعىنىڭ ورىنباسارى دارحان رازۋەۆتىڭ ايتۋىنشا, استانا, الماتى قالالارىندا جانە ەلىمىزدىڭ جەكەلەگەن وبلىستارىندا ءىرى ساۋدا جانە ويىن-ساۋىق ورتالىقتارى, اۋەجايلار, مەكتەپتەر, سوت عيماراتتارى, ءتىپتى اۋرۋحانالار بىرنەشە رەت بەلگىسىز بىرەۋلەردىڭ ءانونيمدى شابۋىلدارىنا ۇشىراعان.
«تەرروريزم اكتىلەرى تۋرالى بىلە تۇرا جالعان حابارلاۋ ءازىل نەمەسە كوڭىل كوتەرۋ ەمەس, قىلمىستىق جازالاناتىن ارەكەت دەپ ەسەپتەلەدى», دەدى دارحان رازۋەۆ.
تەرروريزم اكتىسى تۋرالى كورىنەۋ جالعان حابارلاۋ ءۇشىن جازا قر قىلمىستىق كودەكسىنىڭ 273-بابىندا كوزدەلگەن. قىلمىس ءۇشىن 5000 ايلىق ەسەپتىك كورسەتكىشكە دەيىن نەمەسە 15,9 ميلليون تەڭگەگە دەيىن ايىپپۇل سالۋ نەمەسە سول مولشەردە تۇزەۋ جۇمىستارىن جۇرگىزۋ, سونداي-اق 5 جىلعا دەيىن باس بوستاندىعىنان ايىرۋ قاۋپى بار.
