كومپانيا ءسۇت ونىمدەرىنىڭ 120-دان استام ءتۇرىن شىعارىپ, ونى ىشكى نارىققا جانە رەسەي فەدەراتسياسىنىڭ ايماقتارىنا ەكسپورتقا جونەلتەدى. الداعى ۋاقىتتا كاسىپورىن قىتاي نارىعىنا شىعۋدى جوسپارلاپ وتىر.
كومپانيا زاۋىتتارىندا زاماناۋي جوعارى تەحنولوگيالىق جابدىقتار ورناتىلعان. 2023 جىلى نەمىس سەرىكتەسىنىڭ قولداۋىمەن ىرىمشىكتەر شىعاراتىن جاڭا وندىرىستىك كەشەن ىسكە قوسىلادى.
پرەمەر-مينيستر اگروونەركاسىپ كەشەنىندەگى باستى مىندەتتەردىڭ ءبىرى اۋىل شارۋاشىلىعىنىڭ وڭدەلگەن باسەكەگە قابىلەتتى ونىمدەرىن, اتاپ ايتقاندا, ءسۇت ونىمدەرىن ءوندىرۋ كولەمىن ارتتىرۋ ەكەنىن اتاپ ءوتتى.
ء«وزىمىزدى تولىق قامتاماسىز ەتىپ, شەتەلدىك نارىقتارعا شىعۋىمىز كەرەك. بۇل باعىتتا ۇلكەن الەۋەتىمىز بار», دەدى ءاليحان سمايىلوۆ.
سونىمەن قاتار پرەمەر-مينيستر كاسىپورىندا ءوڭىردىڭ اۋىل شارۋاشىلىعى وندىرۋشىلەرىمەن كەزدەسۋ وتكىزدى, وندا اگروونىمدەردى قايتا وڭدەۋ جانە ەكسپورتتاۋ, جۇمىس ورىندارىن قۇرۋ, سۋبسيديالاۋ, جەڭىلدىكتى نەسيە بەرۋ, سۋارۋ, جەمشوپ دايىنداۋ جانە ت. ب. ماسەلەلەر تالقىلاندى.
ءاليحان سمايىلوۆ مەملەكەت وندىرۋشىلەردى قولداۋدى كەزەڭ-كەزەڭىمەن, ونىڭ ىشىندە سۋبسيديالاۋ جانە كرەديتتىك رەسۋرستاردىڭ قولجەتىمدىلىگىن ارتتىرۋ ارقىلى كەڭەيتۋدى جالعاستىراتىنىن اتاپ ءوتتى.
