قاسىم-جومارت توقاەۆ قازاقستاندى ۇزاق تاريحي كەزەڭدە قالىپتاسقان ءدىني جانە مادەني ارالۋاندىلىق ەرەكشەلەندىرگەنىن اتاپ ءوتتى.
قازاقستان اۋماعىندا ءىرى الەمدىك جانە ءداستۇرلى دىندەردىڭ, سونىڭ ىشىندە ءيۋدايزمنىڭ رۋحاني داستۇرلەرى توعىسقان. مەملەكەت باسشىسىنىڭ ايتۋىنشا, قازاقستان كونفەسسياارالىق جانە ەتنوسارالىق كەلىسىمدى نىعايتۋ باعىتىندا دايەكتى ساياسات جۇرگىزىپ كەلەدى.
مەملەكەت باسشىسى يزرايل قازاقستاننىڭ تاياۋ شىعىستاعى ماڭىزدى سەرىكتەسى ەكەنىن اتاپ ءوتىپ, ساۋدا-ەكونوميكالىق ءىس-ارەكەتتەر جاندانىپ, مادەني-رۋحاني بايلانىستار دايەكتى تۇردە نىعايىپ كەلە جاتقانىن تىلگە تيەك ەتتى.
داۆيد لاۋ مەن يتسحاك يوسيف قازاقستاننىڭ كونفەسسياارالىق ديالوگتى نىعايتۋعا بەيىلدى ەكەنىنە, ءاردايىم ءدىني سەنىم بوستاندىعىن قولدايتىنىنا نازار اۋدارىپ, بۇل سالادا وزگە مەملەكەتتەرگە ۇلگى بولاتىنىن جەتكىزدى.
