جاس جۇبايلارعا «بايتەرەك» مونۋمەنتىنىڭ باسىندا ەسىل اۋدانى اكىمىنىڭ ورىنباسارى دارمەنيار قىدىربەك ۇلى, نۇر-سۇلتان اكىمدىگى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى كوميسسيانىڭ حاتشىسى قارلىعاش ساركەنوۆا, ەلوردانىڭ ايەلدەر كۇشتەرى اليانسىنىڭ توراعاسى نازگۇل ماقجان نەكە كۋالىگىن تابىس ەتتى.
جاس جۇبايلار اراسىندا ەلوردالىق مەكتەپتەردىڭ ءبىرىنىڭ مۇعالىمدەرى باتىربەك اقان مەن ءمادينا قابدەنوۆا دا بار.
ء«بىز №78 مەكتەپ-گيمنازيادا وقىتۋشى بولىپ جۇمىس ىستەيمىز. سول جەردە تانىستىق. وتباسىن قۇرۋعا شەشىم قابىلداعانعا دەيىن ءبىر جىل كەزدەسىپ جۇردىك. بىزگە نەكە تۋرالى كۋالىك وسىنداي سالتاناتتى جاعدايدا بەرىلگەنىنە وتە قۋانىشتىمىز. بۇل كۇن وتباسى كۇنىمەن سايكەس كەلۋى كەزدەيسوق ەمەس. ءبىز اتا-انامىز سياقتى باقىتتى جۇپ بولامىز دەپ ويلايمىز. وتباسىنىڭ قۇندىلىعى — ەكى ادامنىڭ ءبىر-بىرىنە قۇرمەتى دەپ سانايمىز», دەيدى جاس جۇبايلار.
وتەن احمەت پەن رايحان تىلەگەنوۆا گاۋھار تويلارىن اتاپ ءوتىپ جاتقان وتباسىلىق جۇپ. بىرنەشە جىل بويى وتاعاسى جۋرناليستيكا سالاسىندا ءتۇرلى قىزمەتتەر اتقاردى, ال جۇبايى كىتاپحاناشى بولىپ جۇمىس ىستەدى.
ء«بىز جۇبايىمىزبەن 1961 جىلى 31 جەلتوقساندا الماتىدا جاڭا جىل كەشىندە تانىستىق. ءبىر جىلدان كەيىن ۇيلەندى. سودان بەرى ءبىز بىرگەمىز. بيىل ءبىزدىڭ وتباسىمىزعا 60 جىل تولادى. مەنىڭ ويىمشا, وتباسىلىق باقىتتىڭ قۇپياسى-ءوزارا تۇسىنىستىك پەن قولداۋ. سەبەبى ءومىر جولى ءاردايىم تەگىس بولا بەرمەيدى. ماحاببات پەن قۇرمەت قاتار ءجۇرۋى كەرەك. سونداي-اق ءبىز وتباسىلىق قۇندىلىقتاردى جوعارى باعالايمىز. بىزدە ەكى بالا, 6 نەمەرە جانە ءۇش شوبەرە بار. ءبىز ولارعا وتباسىلىق ۇيلەسىمدىلىكتىڭ ۇلگىسىن كورسەتتىك», دەدى ەلوردا تۇرعىنى رايحان تىلەگەنوۆا.
