كۇرشىم اۋدانى, مارقاكول ورمان شارۋاشىلىعى اۋماعىندا ورمان ءالى كۇنگە دەيىن جانىپ جاتىر. قازىر ءورتتىڭ الدىن الا اۋماعى 1 300 گەكتاردى قۇرايدى. ايتا كەتۋ كەرەك, جاقىن ورنالاسقان ەلدى مەكەندەرگە قاۋىپ ءتونىپ تۇرعان جوق.
ورتكە قارسى كۇرەسكە شقو تجد ءورت سوندىرۋشىلەرىنىڭ, ورمانشىلار مەن جەرگىلىكتى اتقارۋشى ورگانداردىڭ, پوليتسيا قىزمەتكەرلەرىنىڭ 270-كە جۋىق ادامى مەن 34 تەحنيكاسى جۇمىلدىرىلدى. ءورتتى سوندىرۋشىلەرگە تاۋ بەدەرلەرى مەن اۋا رايى قيىندىق تۋدىرۋدا. سوندىقتان مي-8 تىكۇشاعى جانە ەۆروكوپتەر تارتىلدى. بۇگىن ءورت بولعان جەرگە سۋاعار قۇرىلعىسى بار تجم قازاۆياقۇتقارۋ مي-171 تىكۇشاعى قوسىمشا كومەككە كەلمەك.
سونىمەن قاتار التاي اۋدانىندا «زىريان» ورمان شارۋاشىلىعى دا ورتەندى. ءتىلسىز جاۋدىڭ الدىن الا اۋماعى 800 گەكتاردى قۇرايدى. ءورتتى اۋىزدىقتاۋ ءۇشىن سۋاعار قۇرىلعىسى بار مي-8 تىكۇشاعى, 200-گە جۋىق ادام مەن 29 تەحنيكا جۇمىلدىرىلدى. ەلدى مەكەندەرگە قاۋىپ جوق. بۇگىن ءورت بولعان جەرگە سەمەي قالاسىنىڭ №68303 اسكەري ءبولىمىنىڭ سۋاعار قۇرىلعىسى بار قورعانىس مينيسترلىگىنىڭ مي-17 تىكۇشاعى, جەكە قۇرامنىڭ 50 ادامى جانە 4 بىرلىك تەحنيكاسى كومەككە قوسىمشا كەلەدى.
كاتونقاراعاي اۋدانىندا, التىنبەل اۋىلىنان 12 شاقىرىم جەردە, «نوۆو-بەرەزوۆكا» ورمانشىلىعىنىڭ اۋماعى ورتەنۋدە. ءورتتىڭ الدىن الا بولجاعانداعى اۋدانى 1200 گەكتار. قازىرگى ۋاقىتتا ەلدى مەكەندەرگە ەشقانداي قاۋىپ جوق. بۇگىن قىركۇيەكتە قورعانىس مينيسترلىگىنىڭ سۋاعار قۇرىلعىسى بار مي-17 تىكۇشاعى كومەككە قوسىمشا كەلەدى. قىزىل جالىندى اۋىزدىقتاۋعا 280-نەن استام ادام مەن 24 تەحنيكا, تجد, ورمان شارۋاشىلىعى, جاو, حالىق, پوليتسيا جۇمىلدىرىلدى. مي-8 تىكۇشاعىمەن 30 ادام تاۋدىڭ باسىنا «بالقاراعاي» ۋچاسكەسىنە جەتكىزىلدى. ءورت ورنىندا جەدەل شتاب قۇرىلعان.
شىعىس قازاقستان وبلىسى
