ۆەدومستۆو حابارلاعانداي, ولار ءوز ۇلتىنىڭ كاسىپكەرلەرىنە زاڭسىز الىم سالىپ, ولاردىڭ اراسىندا قىلمىستىق يدەيالار مەن ۇرىلاردىڭ ۇستانىمدارىن ەنگىزۋگە ارەكەتتەنگەن.
ءىىم-ءنىڭ ارناۋلى ماقساتتاعى بولىمشەلەرى الماتى, اتىراۋ, پەتروپاۆل, اقتاۋ قالالارى مەن جامبىل وبلىسىنىڭ اۋماعىندا ارنايى وپەراتسيا جۇرگىزدى. وپەراتسيا بارىسىندا جەدەل قىزمەتكەرلەر قىلمىستىق توپتاردىڭ 11 قاتىسۋشىسى مەن قىلمىستىق تەكەتىرەستەرگە تارتىلعان «كيللەردى» قولعا ءتۇسىردى.
«ولاردىڭ جۇرگەن جەرلەرى مەن تۇرعىلىقتى مەكەنجايلارىنا 25 ءتىنتۋ ءىس-شاراسى جۇرگىزىلىپ, اتىس قارۋىنىڭ ارسەنالى, شەتەل ۆاليۋتاسىنداعى ۇلكەن كولەمدەگى اقشا, سونداي-اق اسا ءىرى مولشەردەگى ەسىرتكى قۇرالدارى تاركىلەندى», دەلىنگەن ءىىم تاراتقان حابارلامادا.
كۇدىكتىلەرگە قاتىستى «كۇزەتپەن ۇستاۋ» تۇرىندەگى بۇلتارتپاۋ شاراسى تاڭدالدى.
«قازىرگى ۋاقىتتا باسقا دا قىلمىسكەرلەردى ۇستاۋ جانە جاۋاپكەرشىلىككە تارتۋ شارالارى قابىلدانۋدا», دەپ قوستى ۆەدومستۆو.
