1988 جىلى اشىلعان بۇل مەكتەپتە قازىر 1365 وقۋشى ءبىلىم الادى. وندىرىستىك ورىندارى, مەكەمە-ۇيىمدارى جوق, تەك تۇرعىندار مەكەنى بولىپ تابىلاتىن وسى 20-شى مولتەك اۋدانداعى جالعىز مەكتەپ تە وسى. قازاق بالالارى از بولماسا دا مەكتەپ ورىسشا ءبىلىم بەرەدى. اتا-انالاردىڭ قالاۋى سولاي بولعان سوڭ امال جوق. ءبىر كەزدە مۇندا قازاق سىنىپتارى اشىلعان, بىراق ونداعى وقۋشىلار كەيىن اشىلعان قازاق مەكتەپتەرىنە اۋىسىپ كەتكەن.
مەكتەپ ديرەكتورى ساۋلە بولاتبەكوۆا ۇلت ۇستازىنىڭ اتىن الۋىنا بايلانىستى تۇساۋكەسەرگە ۇجىمنىڭ مۇقيات دايىندالعانىن ايتتى. كەلگەن قوناقتار اراسىندا پەتروپاۆل قالاسىنىڭ ۇستازدار قاۋىمى وكىلدەرى, ارداگەرلەر, «قازاق ءتىلى» قوعامىنىڭ بەلسەندىلەرى, ءبىلىم سالاسىنىڭ قىزمەتكەرلەرى مەن اتا-انالار بولدى. ولار ەكىگە ءبولىنىپ, الدىمەن احمەت بايتۇرسىن ۇلىنا ارنالعان سىنىپ ساعاتتارىنا قاتىستى. بايىرعى ۇستاز سالتانات وماروۆا وتكىزگەن سىنىپ ساعاتىندا بالالاردىڭ قازاق ءتىلىن ۇيرەنۋگە ق ۇلىقتى ەكەنىن, ولار قازاقشا بەرىلگەن ءتۇرلى تاپسىرمالاردى ورىنداۋعا قۇشتارلىعىن كوردىك.
ەڭ ۇلكەن شارا مەكتەپتىڭ اكت زالىندا بولىپ, مۇندا مۇعالىمدەر مەن وقۋشىلار كەلگەن قوناقتارعا وزدەرىنىڭ ونەرلەرىن كورسەتىپ باقتى.
پەتروپاۆل
