كۇرشىم اۋدانىنا قاراستى «مارقاكول ورمان شارۋاشىلىعى» رمم, بوبروۆكا ورمانشىلىعى جانە توسقايىڭ اۋىلدىق وكرۋگى اۋماعىنان ءورت شىققان. الدىن الا بولجام بويىنشا جالىن شارپىعان اۋماق 300 گەكتارداي. ازىرشە ءتىلسىز جاۋ جاقىن ماڭداعى اۋىلدارعا قاۋىپ ءتوندىرىپ تۇرعان جوق. ايتا كەتسەك, كوك تۇتىنگە ورانعان اۋماققا ەڭ جاقىن ەلدى مەكەن – توسقايىڭ اۋىلى.
ورتكە قارسى كۇرەسكە وبلىستىق تجد ءورت سوندىرۋشىلەرىنەن, ورمانشىلاردان جانە جەرگىلىكتى اتقارۋشى ورگانداردان 114 ادام مەن 17 تەحنيكا جۇمىلدىرىلدى. تاۋلى جەر بولعاندىقتان, ءتىلسىز جاۋدىڭ بەتىن قايتارۋ وڭايعا سوقپاي تۇر. ونىڭ ۇستىنە كۇننىڭ ىستىعى دا كەدەرگى.
سونداي-اق ءورتتى ءسوندىرۋ ءۇشىن مي-2 تىكۇشاعى مەن ەۋروكوپتەر دە كوككە كوتەرىلدى. وسكەمەن قالاسىنان كومەككە جەكە قۇرامنان 46 ادام جانە 6 بىرلىك تەحنيكا جونەلتىلدى.
تابيعاتتىڭ قۋراپ تۇرعان ءدال قازىرگى ساتىندە ورماندى, تاۋلى جەردە اسا اباي بولعان ءجون.
شىعىس قازاقستان وبلىسى
