«اتموسفەرالىق فرونتالدى بولىكتەردىڭ وتۋىمەن ەلىمىزدىڭ باتىسىندا, سولتۇستىگىندە, سولتۇستىك-باتىسىندا نايزاعايمەن جاڭبىر, وڭتۇستىك-باتىسىندا قاتتى جاڭبىر جاۋادى. قازاقستاننىڭ قالعان اۋماعىندا جاۋىن-شاشىنسىز اۋا رايى ساقتالادى. رەسپۋبليكا بويىنشا كەي جەرلەردە جەلدىڭ كۇشەيۋى, وڭتۇستىك-باتىستا شاڭدى داۋىل بولۋى مۇمكىن», دەلىنگەن حابارلامادا.
جامبىل, قىزىلوردا, تۇركىستان, اقتوبە, الماتى, جەتىسۋ, ۇلىتاۋ وبلىستارىنىڭ باسىم بولىگىندە, قوستاناي وبلىسىنىڭ وڭتۇستىگىندە, اباي وبلىسىنىڭ وڭتۇستىگى مەن شىعىسىندا, قاراعاندى وبلىسىنىڭ باتىسىندا, وڭتۇستىگىندە جانە شىعىسىندا توتەنشە ءورت قاۋپى بولادى.
كۇندىز جەتىسۋ, ۇلىتاۋ, شىعىس قازاقستان, اباي, قىزىلوردا وبلىستارىنىڭ باسىم بولىگىندە, پاۆلودار وبلىسىنىڭ وڭتۇستىگىندە, قاراعاندى وبلىسىنىڭ باتىسى مەن وڭتۇستىگىندە, جامبىل وبلىسىنىڭ سولتۇستىگى مەن وڭتۇستىگىندە قاتتى ىستىق بولۋى ىقتيمال.
