تاعايىنداۋ • 05 قىركۇيەك، 2022

قايرات قامزين بالقاش قالاسىنىڭ اكىمى بولىپ تاعايىندالدى

110 رەت كورسەتىلدى

بالقاش قالاسىنىڭ اكىمى بولىپ بۇعان دەيىن قاراعاندى وبلىستىق  قۇرىلىس، ساۋلەت جانە قالا قۇرىلىسى باسقارماسىنىڭ باسشىسى قىزمەتىن اتقارعان قايرات قامزين تاعايىندالدى، دەپ جازادى Egemen.kz وبلىس اكىمىنىڭ ءباسپاسوز قىزمەتىنە سىلتەمە جاساپ.

ءوڭىر باسشىسى جەڭىس قاسىمبەكتىڭ بالقاش قالالىق ءماسليحاتىنىڭ كەزەكتەن تىس سەسسياسىندا ۇسىنعان جاڭا اكىمنىڭ كانديداتۋراسىن جەرگىلىكتى دەپۋتاتتار ءبىراۋىزدان ماقۇلدادى.

قايرات امانگەلدى ۇلى قامزين 1976 جىلى دۇنيەگە كەلگەن. ەكى جوعارى ءبىلىمى بار: 1998 جىلى قاراعاندى مەملەكەتتىك تەحنيكالىق ۋنيۆەرسيتەتىن «ماشينا قۇرىلىس تەحنولوگياسى» ماماندىعى جانە 2009 جىلى قاراعاندىنىڭ «بولاشاق» ۋنيۆەرسيتەتىن «قارجى» ماماندىعى بويىنشا ءتامامدادى.

مەملەكەتتىك قىزمەتتە 2005 جىلدان بەرى جۇمىس ىستەپ كەلەدى. ءتۇرلى لاۋازىمداردى اتقارعان: تەحنيكالىق رەتتەۋ جانە مەترولوگيا كوميتەتىنىڭ قاراعاندى وبلىسى بويىنشا باسقارماسىنىڭ جەتەكشى مامانى، كەيىن قاراعاندى قالاسىنىڭ قازىبەك بي اتىنداعى اۋدان اكىمى اپپاراتىنىڭ ۇيىمداستىرۋ جانە كادر جۇمىسى ءبولىمىنىڭ باس مامانى بولدى.

2007-2010 جىلدارى تابيعي مونوپوليالاردى رەتتەۋ اگەنتتىگىنىڭ قاراعاندى وبلىسى بويىنشا دەپارتامەنتىنىڭ باس مامانى، ءبولىم باستىعى بولىپ جۇمىس ىستەدى.

2010-2012 جىلدار ارالىعىندا وبلىستىق ەنەرگەتيكا جانە تۇرعىن ءۇي-كوممۋنالدىق شارۋاشىلىق باسقارماسى باستىعىنىڭ ورىنباسارى قىزمەتىن اتقاردى.

2012 جىلدىڭ جەلتوقسان ايىنان 2021 جىلدىڭ ناۋرىز ايىنا دەيىن پريوزەرسك قالاسىنىڭ اكىمى بولدى.

2021-2022 جىلدارى قاراعاندى وبلىستىق مەملەكەتتىك ساۋلەت-قۇرىلىس باقىلاۋ باسقارماسىنىڭ باسشىسى – قاراعاندى وبلىسىنىڭ باس مەملەكەتتىك قۇرىلىس ينسپەكتورى بولىپ قىزمەت ەتتى.

وسى تاعايىنداۋعا دەيىن ول قاراعاندى وبلىستىق  قۇرىلىس، ساۋلەت جانە قالا قۇرىلىسى باسقارماسىنىڭ باسشىسى قىزمەتىن اتقارىپ كەلدى.

ال قالانىڭ بۇرىنعى اكىمى وراز تاۋىربەكوۆ باسقا جۇمىسقا اۋىسۋىنا بايلانىستى قىزمەتىنەن بوساتىلدى.

سوڭعى جاڭالىقتار

مۇز قۇرسانعان ەكىباستۇز

ايماقتار • بۇگىن، 21:12

ءۇمىت ساۋلەسى

ساياسات • بۇگىن، 21:11

ۇلت ساۋلىعى – ۇلى بايلىق

ساياسات • بۇگىن، 21:09

ءسابيدىڭ ءومىرىن ساقتاپ قالدى

ايماقتار • بۇگىن، 21:02

تۇرلەنگەن تەمەكىنىڭ ءبارى زيان

مەديتسينا • بۇگىن، 20:58

ساڭلاقتىڭ سوڭعى سامعاۋى

قازاقستان • بۇگىن، 20:50

كىتاپ كوكجيەگى كەڭەيىپ كەلەدى

رۋحانيات • بۇگىن، 20:41

«نەمىس ماشينەسى» جولدا قالدى

فۋتبول • بۇگىن، 20:36

ستۋدەنتتىك تەاتر فەستيۆالى

تەاتر • بۇگىن، 20:34

«كۇمبىرلە كۇيىم، ەلىمدە!»

ايماقتار • بۇگىن، 20:28

ۇقساس جاڭالىقتار