كيىز ءۇي پىشىندەس شىراعدان

قولدا بار دەرەكتەرگە جۇگىنسەك, قۇن­دى جا­دىگەردى تارازدىق ەكسكاۆاتورشى پيتەر لەۆيچەۆ تاپقان ەكەن. شىراعدان بۇرىنعى بازار ماڭىندا جۇرگىزىلگەن قازبا جۇمىس­تارى كەزىندە تابىلعان كورىنەدى. وسىلايشا, عاسىرلار بويى ەجەلگى شاھار ورنىندا كومۋلى كۇيىندە جاتقان جادىگەر مۋزەي قورىن تولىق­تىرعان. ال مۋزەيگە كەلگەن قوناقتار اتالعان جا­دى­گەردىڭ تاري­حى تۋرالى ءجيى-ءجيى سۇرايتىن كورىنەدى.

«كيىز ءۇي پىشىندەس شى­راعدان عالىم­داردىڭ اي­تۋىنشا, ءىح-ح عا­­سىر­لاردان جەت­­كەن جا­دىگەر سانالادى. ونىڭ تومەنگى جاعىنىڭ ديا­مەترى

18 سانتيمەتر بولسا, جالپى بيىكتىگى 14 سان­تي­مەتردى قۇرايدى. جۇرتتى ءدال وسى بۇيىم­­نىڭ ۋاقىتىندا قان­­داي ماقساتپەن پاي­دا­­لانىلعانى قىزىق­تى­راتىنىن بايقاپ ءجۇر­مىز. الايدا بۇل ماسەلەگە قاتىستى عالىم­دار­دىڭ دا پىكىرى ەكىگە جارىلىپ وتىر­عا­نىن ايتا كەتكەن ءلازىم. مامانداردىڭ ءبىرى جا­­دىگەر­دى ادامدار كەزىندە ءدىني اتريبۋت رەتىن­دە پايدالانعان دەسە, ەندى ءبىر مامان­­دار ادەتتەگى شامنىڭ قىزمەتىن ات­قار­عان دەگەن­دى العا تارتادى. سون­­دىقتان ناقتى ءبىر كەسىم­دى پىكىر ايتۋ – قيىننىڭ قيى­نى. قالاي بولعان كۇن­دە دە بۇل شى­راعدان ءبىز­دىڭ مۋ­زەي­دەگى قۇندى جادىگەر­لەر­دىڭ سانا­تىن­دا», دەي­دى وبلىستىق تاريحي-ول­كە­تانۋ مۋ­زەيى­نىڭ قىز­مەت­كەرى اي­دانا مە­كە­موۆا.

تاراز