«شەتەلدىك جۇمىس كۇشىن تارتۋعا بەرىلگەن رۇقساتتاردىڭ ىشىندە بىرنەشە سانات بار. 596 رۇقسات باسشىلار مەن ولاردىڭ ورىنباسارلارىنا, 3137 رۇقسات قۇرىلىمدىق بولىمشەلەردىڭ باسشىلارىنا بەرىلگەن. تارتىلعان جۇمىس كۇشىنىڭ نەگىزگى بولىگىن ءۇشىنشى جانە ءتورتىنشى ساناتتار – تيىسىنشە 8037 جانە 1070 ادام قۇرايدى. سونداي-اق ماۋسىمدىق جۇمىسقا 1456 ادام تارتىلسا, كورپوراتيۆتىك اۋىسىم اياسىندا 1731 ادام قامتىلدى», دەلىنگەن حابارلامادا.
ەڭبەك مينيسترلىگىنىڭ مالىمەتىنشە, 2022 جىلعى 1 تامىزداعى جاعداي بويىنشا قازاقستان اۋماعىندا جەرگىلىكتى اتقارۋشى ورگانداردىڭ رۇقساتىمەن 16 027 شەتەلدىك ازامات جۇمىس ىستەيدى.
ەڭبەك ميگرانتتارىنىڭ نەگىزگى شىققان ەلدەرى قىتاي – 3566 ادام, تۇركيا – 1822 ادام, ءۇندىستان – 1724 ادام, وزبەكستان – 1566 ادام, ۇلىبريتانيا – 1193 ادام.
ىشكى ەڭبەك نارىعىن قورعاۋ ماقساتىندا قازاقستان رەسپۋبليكاسىنىڭ ەڭبەك جانە حالىقتى الەۋمەتتىك قورعاۋ مينيسترلىگى جىل سايىن رەسپۋبليكاعا شەتەلدىك مامانداردى تارتۋعا كۆوتا بەلگىلەيدى. مەملەكەت باسشىسىنىڭ بەرگەن تاپسىرماسىن ورىنداۋ ءۇشىن مينيسترلىك شەتەل جۇمىس كۇشىن تارتۋعا ارنالعان كۆوتانى بۇرىن جوسپارلانعان 28 352 بىرلىكتەن 23 560 بىرلىككە دەيىن, ياعني 4 792 ادامعا (16%) قىسقارتتى.
